ಹ್ಯಾಂಡ್‌ಬಾಲ್‌: ಭಾರತ ತಂಡಕ್ಕೆ ನಿರಾಸೆ

7

ಹ್ಯಾಂಡ್‌ಬಾಲ್‌: ಭಾರತ ತಂಡಕ್ಕೆ ನಿರಾಸೆ

Published:
Updated:

ಜಕಾರ್ತ: ಭಾರತದ ಮಹಿಳಾ ಹ್ಯಾಂಡ್‌ಬಾಲ್‌ ತಂಡದವರು ಏಷ್ಯನ್‌ ಕ್ರೀಡಾಕೂಟದ ಪ್ರಾಥಮಿಕ ಸುತ್ತಿನ ಪಂದ್ಯದಲ್ಲಿ ಸೋತಿದ್ದಾರೆ.

ಮಂಗಳವಾರ ನಡೆದ ‘ಎ’ ಗುಂಪಿನ ಹಣಾಹಣಿಯಲ್ಲಿ ಭಾರತದ ವನಿತೆಯರು 19–36 ಗೋಲುಗಳಿಂದ ಕಜಕಸ್ತಾನ ಎದುರು ಮಣಿದರು.

ಮೊದಲ ಅವಧಿಯಲ್ಲಿ ಭಾರತ ತಂಡ ಎದುರಾಳಿಗಳಿಗೆ ಪ್ರಬಲ ಪೈಪೋಟಿ ನೀಡಿತು. ಈ ಮೂಲಕ 13–19ರ ಹಿನ್ನಡೆಯೊಂದಿಗೆ ವಿರಾಮಕ್ಕೆ ಹೋಯಿತು.

ದ್ವಿತೀಯಾರ್ಧದಲ್ಲಿ ಕಜಕಸ್ತಾನ ಮೇಲುಗೈ ಸಾಧಿಸಿತು. ಈ ತಂಡ 17 ಗೋಲು ಗಳಿಸಿ ಪ್ರಾಬಲ್ಯ ಮೆರೆಯಿತು. ಭಾರತದ ರಿಂಪಿ ಎಂಟು ಗೋಲು ಗಳಿಸಿದರೆ, ಮಣಿಂದರ್‌ ಕೌರ್‌ ಮೂರು ಗೋಲು ದಾಖಲಿಸಿದರು. ನಿಧಿ ಶರ್ಮಾ ಮತ್ತು ರಿತು ತಲಾ ಎರಡು ಗೋಲು ಬಾರಿಸಿದರು.

ಕಜಕಸ್ತಾನದ ಡಾನಾ ಅಬಿಲ್ದಾ ಎಂಟು ಗೋಲು ದಾಖಲಿಸಿದರು.

ಆಗಸ್ಟ್‌ 16ರಂದು ನಡೆಯುವ ತನ್ನ ಎರಡನೆ ಪಂದ್ಯದಲ್ಲಿ ಭಾರತ ತಂಡ ದಕ್ಷಿಣ ಕೊರಿಯಾ ಎದುರು ಸೆಣಸಲಿದೆ.

ಸೋಮವಾರ ನಡೆದಿದ್ದ ಪುರುಷರ ವಿಭಾಗದ ಆರಂಭಿಕ ಪಂದ್ಯದಲ್ಲಿ ಭಾರತ 28–38ರಿಂದ ಚೀನಾ ತೈಪೆ ಎದುರು ಸೋತಿತ್ತು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !