ಬೆಂಗಳೂರು: ಕರ್ನಾಟಕದ ಡಿ.ಪಿ.ಮನು ಅವರು ಚೆನ್ನೈನಲ್ಲಿ ನಡೆಯುತ್ತಿರುವ 61ನೇ ಅಂತರರಾಜ್ಯ ಅಥ್ಲೆಟಿಕ್ಸ್ನ ಜಾವೆಲಿನ್ ಥ್ರೋ ಸ್ಪರ್ಧೆಯಲ್ಲಿ ಕೂಟ ದಾಖಲೆಯೊಂದಿಗೆ ಚಿನ್ನ ಗೆದ್ದರು.
ಶನಿವಾರ ನಡೆದ ಸ್ಪರ್ಧೆಯಲ್ಲಿ ಮನು 84.35 ಮೀ. ಸಾಧನೆ ಮಾಡಿದರು. ಶಿವಪಾಲ್ ಸಿಂಗ್ (82.28 ಮೀ.) ಅವರು 2018 ರಲ್ಲಿ ಗುವಾಹಟಿಯಲ್ಲಿ ನಡೆದಿದ್ದ ಕೂಟದಲ್ಲಿ ಮಾಡಿದ್ದ ದಾಖಲೆಯನ್ನು ಮುರಿದರು.
ಉತ್ತರ ಪ್ರದೇಶದ ರೋಹಿತ್ ಯಾದವ್ (82.54 ಮೀ.) ಬೆಳ್ಳಿ ಜಯಿಸಿದರೆ, ರಾಜಸ್ತಾನದ ಯಶ್ವೀರ್ ಸಿಂಗ್ (78.62 ಮೀ.) ಕಂಚು ಜಯಿಸಿದರು.
