ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಏಷ್ಯನ್ ಚಾಂಪಿಯನ್‌ಷಿಪ್‌ಗೆ ಮಹಿಳೆಯರ ರಿಲೇ ತಂಡ

Last Updated 13 ಏಪ್ರಿಲ್ 2019, 17:43 IST
ಅಕ್ಷರ ಗಾತ್ರ

ಪಟಿಯಾಲ: ದ್ಯುತಿ ಚಾಂದ್‌ ನೇತೃತ್ವದ 4x100 ಮೀಟರ್ಸ್ ರಿಲೇ ತಂಡ ಮುಂಬರುವ ಏಷ್ಯನ್‌ ಅಥ್ಲೆಟಿಕ್ಸ್ ಚಾಂಪಿಯನ್‌ಷಿಪ್‌ಗೆ ಅರ್ಹತೆ ಗಳಿಸಿತು. ಇಲ್ಲಿ ನಡೆದ ಟ್ರಯಲ್ಸ್‌ನಲ್ಲಿ ದ್ಯುತಿ ಚಾಂದ್‌, ಹಿನಾ, ಅರ್ಚನಾ ಮತ್ತು ಸುಸೀಂದ್ರ ಅವರನ್ನು ಒಳಗೊಂಡ ತಂಡ 44.12 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿತು. ಅರ್ಹತೆಗಾಗಿ ಭಾರತ ಅಥ್ಲೆಟಿಕ್ ಫೆಡರೇಷನ್‌ 44.50 ಸೆಕೆಂಡು ನಿಗದಿ ಮಾಡಿತ್ತು.

ಆದರೆ ಬಹುತೇಕ ಅಥ್ಲೀಟ್‌ಗಳು ಅರ್ಹತಾ ಮಾನದಂಡವನ್ನು ದಾಟಲು ವಿಫಲರಾಗಿ ನಿರಾಸೆ ಅನುಭವಿಸಿದರು.

ಏಪ್ರಿಲ್ 21ರಿಂದ 24ರ ವರೆಗೆ ದೋಹಾದಲ್ಲಿ ನಡೆಯಲಿರುವ ಚಾಂಪಿಯನ್‌ಷಿಪ್‌ಗೆ ಭಾರತ ಅಥ್ಲೆಟಿಕ್ ಫೆಡರೇಷನ್‌ 51 ಮಂದಿ ಅಥ್ಲೀಟ್‌ಗಳ ಪಟ್ಟಿ ಸಿದ್ಧಗೊಳಿಸಿತ್ತು. ಆದರೆ ಟ್ರಯಲ್ಸ್‌ನಲ್ಲಿ ರಿಲೇ ತಂಡ ಮತ್ತು ಮಧ್ಯಮ ದೂರ ಓಟಗಾರ್ತಿ ಕೆ.ಗೌತಮಿ ಮಾತ್ರ ಅರ್ಹತಾ ಮಾನದಂಡ ದಾಟಿದರು.

ಮಹಿಳಾ ಡಿಸ್ಕಸ್ ಥ್ರೋ ಪಟು ಕಮಲ್‌ಪ್ರೀತ್‌ ಸಿಂಗ್‌ ಕೌರ್‌ ಮತ್ತು ನವಜೀತ್ ಕೌರ್‌ ಧಿಲಾನ್‌ ಅರ್ಹತಾ ಮಾನದಂಡವನ್ನು ದಾಟಲಿಲ್ಲವಾದರೂ ಅವರನ್ನು ಆಯ್ಕೆ ಮಾಡಲಾಗಿದೆ. 400ಮೀಟರ್ಸ್ ಹರ್ಡಲ್ಸ್‌ನಲ್ಲಿ ಧರುಣ್ ಅಯ್ಯಸಾಮಿ ಗಾಯಗೊಂಡಿದ್ದಾರೆ.

ಟ್ರಯಲ್ಸ್‌ನಲ್ಲಿ ಉತ್ತಮ ಸಾಧನೆ ಮಾಡದೇ ಇರುವವರ ಪೈಕಿ ಕೆಲವರನ್ನಷ್ಟೇ ಆಯ್ಕೆ ಮಾಡುವ ಸಾಧ್ಯತೆ ಇದೆ ಎಂದು ಫೆಡರೇಷನ್ ಮೂಲಗಳು ತಿಳಿಸಿವೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT