ಬ್ಯಾಡ್ಮಿಂಟನ್‌: ಆಯುಷ್‌ಗೆ ಪ್ರಶಸ್ತಿ ‘ಡಬಲ್‌’

ಬುಧವಾರ, ಜೂನ್ 19, 2019
28 °C

ಬ್ಯಾಡ್ಮಿಂಟನ್‌: ಆಯುಷ್‌ಗೆ ಪ್ರಶಸ್ತಿ ‘ಡಬಲ್‌’

Published:
Updated:
Prajavani

ಬೆಂಗಳೂರು: ಅಮೋಘ ಆಟ ಆಡಿದ ಆಯುಷ್‌ ಆರ್‌.ಶೆಟ್ಟಿ ಅವರು ಯಾದವ್‌ ಪ್ರೊ ಬ್ಯಾಡ್ಮಿಂಟನ್‌ ಅಕಾಡೆಮಿ ಆಶ್ರಯದ ಸಬ್‌ಜೂನಿಯರ್‌ ರಾಜ್ಯ ರ‍್ಯಾಂಕಿಂಗ್‌ ಟೂರ್ನಿಯಲ್ಲಿ ಪ್ರಶಸ್ತಿ ‘ಡಬಲ್’ ಸಾಧನೆ ಮಾಡಿದ್ದಾರೆ.

ಆಯುಷ್‌ ಅವರು 15 ವರ್ಷದೊಳಗಿನ ಬಾಲಕರ ಸಿಂಗಲ್ಸ್‌ ಮತ್ತು ಡಬಲ್ಸ್‌ ವಿಭಾಗಗಳಲ್ಲಿ ಟ್ರೋಫಿಗೆ ಮುತ್ತಿಕ್ಕಿದ್ದಾರೆ.

15 ವರ್ಷದೊಳಗಿನವರ ಬಾಲಕಿಯರ ಸಿಂಗಲ್ಸ್‌ನಲ್ಲಿ ನೇಯ್ಸಾ ಕಾರ್ಯಪ್ಪ ಚಾಂಪಿಯನ್‌ ಆಗಿದ್ದಾರೆ.

ಸಿಂಗಲ್ಸ್‌ ವಿಭಾಗದ ಫೈನಲ್‌ನಲ್ಲಿ ಅಗ್ರಶ್ರೇಯಾಂಕದ ಆಟಗಾರ ಆಯುಷ್‌ 21–17, 21–10 ನೇರ ಗೇಮ್‌ಗಳಿಂದ ಆರುಜ್‌ ಮಹೇಶ್ವರಿ ಅವರನ್ನು ಸೋಲಿಸಿದರು.

ಡಬಲ್ಸ್‌ ವಿಭಾಗದ ಪ್ರಶಸ್ತಿ ಸುತ್ತಿನ ಪೈಪೋಟಿಯಲ್ಲಿ ಆಯುಷ್‌ ಮತ್ತು ಸಾತ್ವಿಕ್‌ ಶಂಕರ್‌ 21–17, 21–17ರಲ್ಲಿ ಅಗ್ರಶ್ರೇಯಾಂಕದ ಆರುಜ್‌ ಮತ್ತು ಜಿ.ಎಸ್‌.ಸುಮುಖ್‌ ಅವರಿಗೆ ಆಘಾತ ನೀಡಿದರು.

ಬಾಲಕಿಯರ ಸಿಂಗಲ್ಸ್‌ ಫೈನಲ್‌ನಲ್ಲಿ ಅಗ್ರಶ್ರೇಯಾಂಕದ ಆಟಗಾರ್ತಿ ನೇಯ್ಸಾ 21–10, 19–21, 21–14ರಲ್ಲಿ ಕಾರ್ಣಿಕಾ ಶ್ರೀ ಅವರನ್ನು ಮಣಿಸಿದರು.

ಡಬಲ್ಸ್‌ ವಿಭಾಗದ ಫೈನಲ್‌ನಲ್ಲಿ ನೇಯ್ಸಾ ಮತ್ತು ಆಶಿತಾ ಸಿಂಗ್ 18–21, 21–19, 12–21ರಲ್ಲಿ ಕಾರ್ಣಿಕಾ ಮತ್ತು ಗಾಯತ್ರಿ ರಾಣಿ ಜೈಸ್ವಾಲ್‌ ಎದುರು ಶರಣಾದರು.

17 ವರ್ಷದೊಳಗಿನವರ ಬಾಲಕರ ಸಿಂಗಲ್ಸ್‌ ವಿಭಾಗದ ಪ್ರಶಸ್ತಿಯು ಆದಿತ್ಯ ದಿವಾಕರ್‌ ಅವರ ಪಾಲಾಯಿತು.

ಫೈನಲ್‌ನಲ್ಲಿ ಮೂರನೇ ಶ್ರೇಯಾಂಕದ ಆಟಗಾರ ದಿವಾಕರ್‌ 21–13, 21–19ರಲ್ಲಿ ಎರಡನೇ ಶ್ರೇಯಾಂಕದ ಆಟಗಾರ ಜಿ.ಜಯಂತ್‌ ಅವರನ್ನು ಪರಾಭವಗೊಳಿಸಿದರು.

ಬಾಲಕಿಯರ ಸಿಂಗಲ್ಸ್‌ ವಿಭಾಗದ ಪ್ರಶಸ್ತಿ ಸುತ್ತಿನ ಹಣಾಹಣಿಯಲ್ಲಿ ವರ್ಷಾ ವಿನೀತಾ ಭಟ್‌ 21–15, 21–18ರಲ್ಲಿ ಆಶಿತಾ ಸಿಂಗ್‌ ಎದುರು ಗೆದ್ದರು.

13 ವರ್ಷದೊಳಗಿನ ಬಾಲಕರ ಸಿಂಗಲ್ಸ್‌ ಫೈನಲ್‌ನಲ್ಲಿ ಅವಿ ಬಾಸಕ್‌ 21–13, 14–21, 21–12ರಲ್ಲಿ ಎಂ.ಡಿ.ಕಶ್ಯಪ್‌ ನಂಜಪ್ಪ ಅವರನ್ನು ಮಣಿಸಿದರು.

ಬಾಲಕಿಯರ ಸಿಂಗಲ್ಸ್‌ ಫೈನಲ್‌ನಲ್ಲಿ ರುಜುಲಾ ರಾಮು 21–13, 21–8ರಲ್ಲಿ ಜಿ.ಎಸ್‌.ಮೇಘಶ್ರೀ ಎದುರು ವಿಜಯಿಯಾದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !