ಸನೀತ್‌, ತಾನ್ಯಾ ಹೇಮಂತ್‌ಗೆ ಪ್ರಶಸ್ತಿ

7
ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್: ಪೃಥ್ವಿ, ಜನನಿ ‘ರನ್ನರ್‌ ಅಪ್‌’

ಸನೀತ್‌, ತಾನ್ಯಾ ಹೇಮಂತ್‌ಗೆ ಪ್ರಶಸ್ತಿ

Published:
Updated:
Deccan Herald

ಮೈಸೂರು: ಸನೀತ್ ಎಸ್.ದಯಾನಂದ್ ಮತ್ತು ತಾನ್ಯಾ ಹೇಮಂತ್ ಅವರು ಮೈಸೂರು ಜಿಲ್ಲಾ ಬ್ಯಾಡ್ಮಿಂಟನ್‌ ಸಂಸ್ಥೆ ಆಶ್ರಯದಲ್ಲಿ ನಡೆದ ರಾಜ್ಯ ರ್‍ಯಾಂಕಿಂಗ್‌ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಕ್ರಮವಾಗಿ 17 ವರ್ಷ ವಯಸ್ಸಿನೊಳಗಿನ ಬಾಲಕ ಹಾಗೂ ಬಾಲಕಿಯರ ವಿಭಾಗಗಳಲ್ಲಿ ಚಾಂಪಿಯನ್‌ ಆದರು.

ಜಿ.ಎಸ್.ಸ್ಪೋರ್ಟ್ಸ್ ಕಾಂಪ್ಲೆಕ್ಸ್‌ನಲ್ಲಿ ಗುರುವಾರ ನಡೆದ ಬಾಲಕರ ವಿಭಾಗದ ಫೈನಲ್‌ನಲ್ಲಿ ಬೆಂಗಳೂರಿನ ಲೆವೆಲ್‌ ಅಪ್ ಅಕಾಡೆಮಿಯ ಸನೀತ್ ಅವರು 17–21, 21–18, 21–10 ರಲ್ಲಿ ಶಿವಮೊಗ್ಗದ ಪೃಥ್ವಿ ರಾಯ್ ಅವರನ್ನು ಮಣಿಸಿದರು.

ಬಾಲಕಿಯರ ವಿಭಾಗದ ಫೈನಲ್‌ನಲ್ಲಿ ಐ ಸ್ಪೋರ್ಟ್ಸ್‌ನ ತಾನ್ಯಾ 21–11, 14–21, 21–16 ರಲ್ಲಿ ತಮ್ಮದೇ ಕ್ಲಬ್‌ನ ಜನನಿ ಅನಂತಕುಮಾರ್ ಅವರನ್ನು ಸೋಲಿಸಿದರು.

ಇದೇ ವಯೋವರ್ಗದ ಬಾಲಕರ ಡಬಲ್ಸ್‌ನಲ್ಲಿ ಸಿ.ಎಸ್‌.ಸಾಕೇತ್– ಅಜಿಂಕ್ಯಾ ಜಿ.ಜೋಷಿ, ಬಾಲಕಿಯರ ಡಬಲ್ಸ್‌ನಲ್ಲಿ ಜನನಿ– ಶ್ರುತಿ ನಿತಿನ್‌ ಹಾಗೂ ಮಿಶ್ರ ಡಬಲ್ಸ್‌ನಲ್ಲಿ ಸನೀತ್– ತಾನ್ಯಾ ಅವರು ಚಾಂಪಿಯನ್‌ ಆದರು.

ಉಲ್ಲಾಸ್‌, ವಿಜೇತಾಗೆ ಪ್ರಶಸ್ತಿ: 15 ವರ್ಷ ವಯಸ್ಸಿನೊಳಗಿನ ಬಾಲಕರ ವಿಭಾಗದ ಫೈನಲ್‌ನಲ್ಲಿ ರಾಜನ್ಸ್‌ ಬ್ಯಾಡ್ಮಿಂಟನ್‌ ಅಕಾಡೆಮಿಯ ಸುಜ್ನಯನ್ ಉಲ್ಲಾಸ್‌ ಕಿಣಿ 12–21, 21–15, 23–21 ರಲ್ಲಿ ಐ ಸ್ಪೋರ್ಟ್ಸ್‌ನ ಆಯುಷ್‌ ಆರ್‌ ಶೆಟ್ಟಿ ವಿರುದ್ಧ; ಬಾಲಕಿಯರ ವಿಭಾಗದ ಫೈನಲ್‌ನಲ್ಲಿ ಕಾಸ್ಮೊಪಾಲಿಟನ್‌ ಕ್ಲಬ್‌ನ ವಿಜೇತಾ ಹರೀಶ್ 21–8, 21–12 ರಲ್ಲಿ ರೀತು ವರ್ಧಮಾನ್‌ ಶಾ ವಿರುದ್ಧ ಜಯ ಪಡೆದರು.

ಬಾಲಕರ ಡಬಲ್ಸ್‌ನಲ್ಲಿ ಜಿ.ಎಸ್‌.ಸುಮುಖ್– ಆಯುಷ್‌ ಆರ್‌.ಶೆಟ್ಟಿ ಹಾಗೂ ಬಾಲಕಿಯರ ಡಬಲ್ಸ್‌ನಲ್ಲಿ ಗಾಯತ್ರಿ ರಾಣಿ ಜೈಸ್ವಾಲ್– ಎಸ್‌.ಕಾರ್ಣಿಕಾಶ್ರೀ ಪ್ರಶಸ್ತಿ ಜಯಿಸಿದರು.

13 ವರ್ಷ ವಯಸ್ಸಿನೊಳಗಿನ ಬಾಲಕರ ವಿಭಾಗದ ಫೈನಲ್‌ನಲ್ಲಿ ಐ ಸ್ಪೋರ್ಟ್ಸ್‌ನ ಸಾತ್ವಿಕ್ ಶಂಕರ್ 10–21, 22–20, 22–20 ರಲ್ಲಿ ಪಿಪಿಬಿಎಯ ತುಷಾರ್‌ ಸುವೀರ್‌ ವಿರುದ್ಧ; ಬಾಲಕಿಯರ ವಿಭಾಗದ ಫೈನಲ್‌ನಲ್ಲಿ ಎಸ್‌.ಕಾರ್ಣಿಕಾಶ್ರೀ 21–12, 21–19 ರಲ್ಲಿ ರುಜುಲಾ ರಾಮು ವಿರುದ್ಧ ಗೆದ್ದರು.

ಬಾಲಕರ ವಿಭಾಗದ ಡಬಲ್ಸ್‌ನಲ್ಲಿ ಸಾತ್ವಿಕ್‌ ಶಂಕರ್‌– ತುಷಾರ್‌ ಜೋಡಿ, ಬಾಲಕಿಯರ ವಿಭಾಗದಲ್ಲಿ ಆರಾಧನಾ ಬಾಲಚಂದ್ರ– ಪ್ರೇರಣಾ ಎನ್‌.ಶೇಟ್‌ ಜೋಡಿ ಪ್ರಶಸ್ತಿ ಜಯಿಸಿತು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !