ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಮೂರನೇ ಐಎಂ ನಾರ್ಮ್‌ ಪೂರೈಸಿದ ರಾಜ್ಯದ ಪ್ರಣವ್‌

Last Updated 2 ಮಾರ್ಚ್ 2020, 17:25 IST
ಅಕ್ಷರ ಗಾತ್ರ

ಬೆಂಗಳೂರು: ಬೆಂಗಳೂರು ಫಿಡೆ ಮಾಸ್ಟರ್‌ ಪ್ರಣವ್‌ ಆನಂದ್‌, ಇಂಟರ್‌ನ್ಯಾಷನಲ್‌ ಮಾಸ್ಟರ್‌ (ಐಎಂ) ಪಟ್ಟಕ್ಕೆ ಅಗತ್ಯವಿರುವ ಮೂರನೇ ಐಎಂ ನಾರ್ಮ್ ಸಂಪಾದಿಸಿದರು. ಮಾಸ್ಕೊದಲ್ಲಿ ನಡೆದ ಏರೊಫ್ಲ್ಯಾಟ್‌ ಓಪನ್‌ ‘ಬಿ’ ಕ್ಯಾಟಗರಿಯಲ್ಲಿ ಆಡಿದ ಬೆಂಗಳೂರಿನ ಶಾಲಾ ವಿದ್ಯಾರ್ಥಿಈ ನಾರ್ಮ್ ಪಡೆದರು.

14 ವರ್ಷದ ಪ್ರಣವ್‌ ಪ್ರಸ್ತುತ ‌2,382 ಲೈವ್‌ ರೇಟಿಂಗ್ ಹೊಂದಿದ್ದಾರೆ. ಐಎಂ ಪದವಿ ಪಡೆಯಲು ಇನ್ನು 18 ಪಾಯಿಂಟ್ಸ್‌ ಅಷ್ಟೇ ಅಗತ್ಯವಿದೆ.

ಕಳೆದ ವರ್ಷ ರಿಲ್ಟನ್‌ ಕಪ್‌ (ಸ್ವೀಡನ್‌) ಟೂರ್ನಿಯಲ್ಲಿ ಮೊದಲ ನಾರ್ಮ್‌ ಪಡೆದಿದ್ದ ಪ್ರಣವ್‌, ಬೀಲ್‌ (ಸ್ವಿಜರ್ಲೆಂಡ್‌) ಟೂರ್ನಿಯಲ್ಲಿ ಎರಡನೇ ನಾಮ್‌ ಗಳಿಸಿದ್ದರು.

ಏರೋಫ್ಲ್ಯಾಟ್‌ ಟೂರ್ನಿಯಲ್ಲಿ ಪ್ರಣವ್‌ ಇಬ್ಬರು ಜಿಎಂಗಳನ್ನು ಸೋಲಿ ಸಿದರಲ್ಲದೇ, ಮೂವರು ಐಎಂಗಳ ವಿರುದ್ಧ ‘ಡ್ರಾ’ ಸಾಧಿಸಿ ಉತ್ತಮ ಸಾಧನೆ ಪ್ರದರ್ಶಿಸಿದರು.

ಗ್ರ್ಯಾಂಡ್‌ಮಾಸ್ಟರ್‌ ಗಳಾದ ಎಲಿನಾ ಡೇನಿಯಲಿಯನ್‌, ಮ್ಯಾಕ್ಸಿಮ್‌ ಲುಗೊವ್‌ಸ್ಕಾಯ್‌ ವಿರುದ್ಧ ಜಯಗಳಿಸಿದ ಪ್ರಣವ್‌, ಪ್ಲಾಟನ್‌ ಗಾಲ್‌ಪೆರಿನ್‌, ಪಾವೆಲ್‌ ಎಸ್‌.ದ್ವಲಿಶ್ವಿಲಿ ಮತ್ತು ಅಲೆಕ್ಸಿ ಮೊಕ್ಷಾನೊವ್‌ ಜೊತೆ ಪಾಯಿಂಟ್‌ ಹಂಚಿಕೊಂಡರು. ಒಂಬತ್ತು ಸುತ್ತುಗಳಿಂದ ಐದು ಪಾಯಿಂಟ್ಸ್‌ ಪಡೆದರಲ್ಲದೇ, 40 ಇಎಲ್‌ಒ ಪಾಯಿಂಟ್ಸ್‌ ಸಂಗ್ರಹಿಸಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT