‘ಡಿ’ ಗುಂಪಿನಲ್ಲಿ ಭಾರತ

ಭಾನುವಾರ, ಜೂನ್ 16, 2019
22 °C
2021ರ ಏಷ್ಯಾಕಪ್‌ ಬ್ಯಾಸ್ಕೆಟ್‌ಬಾಲ್‌ ಅರ್ಹತಾ ಟೂರ್ನಿ

‘ಡಿ’ ಗುಂಪಿನಲ್ಲಿ ಭಾರತ

Published:
Updated:
Prajavani

ಬೆಂಗಳೂರು: 2021ರ ಏಷ್ಯಾಕಪ್‌ ಬ್ಯಾಸ್ಕೆಟ್‌ಬಾಲ್‌ ಅರ್ಹತಾ ಟೂರ್ನಿಗೆ ಭಾರತ ‘ಡಿ’ ಗುಂಪಿನಲ್ಲಿ ಸ್ಥಾನ ಪಡೆದಿದೆ. ಡ್ರಾ ಪ್ರಕ್ರಿಯೆ ಶನಿವಾರ ನಗರದಲ್ಲಿ ನಡೆಯಿತು.

ಎಫ್‌ಐಬಿಎ ವಿಶ್ವ ಕ್ರಮಾಂಕದಲ್ಲಿ ಭಾರತ 67ನೇ ಸ್ಥಾನದಲ್ಲಿದೆ. ಇರಾಕ್‌ (80), ಬಹ್ರೇನ್‌(112) ಭಾರತಕ್ಕಿಂತ ಕೆಳ ಕ್ರಮಾಂಕದಲ್ಲಿದ್ದರೆ, ಲೆಬನಾನ್‌ (53) ಮೇಲಿನ ಕ್ರಮಾಂಕ ಹೊಂದಿದೆ. ಭಾರತ ತಂಡ ಟೂರ್ನಿಗೆ ಅರ್ಹತೆ ಗಳಿಸುವ  ವಿಶ್ವಾಸದಲ್ಲಿದೆ.

ಟೂರ್ನಿಯ ಟ್ರೋಫಿಯನ್ನು ಎಫ್‌ಐಬಿಎ ಏಷ್ಯಾದ ಕಾರ್ಯ ಕಾರಿ ನಿರ್ದೇಶಕ ಹ್ಯಾಗಪ್‌ ಖಜಿರಿ ಯಾನ್‌ ಅನಾವರಣಗೊಳಿಸಿದರು.

ಗುಂಪುಗಳ ವಿಂಗಡನೆ

 ‘ಎ’ ಗುಂಪು: ಫಿಲಿಪೀನ್ಸ್, ಇಂಡೋನೇಷ್ಯಾ, ಥಾಯ್ಲೆಂಡ್‌, ಕೊರಿಯಾ; ‘ಬಿ’ ಗುಂಪು: ಚೈನೀಸ್‌ ತೈಪೇ, ಜಪಾನ್‌, ಮಲೇಷ್ಯಾ, ಚೀನಾ; ‘ಸಿ’ ಗುಂಪು: ಆಸ್ಟ್ರೇಲಿಯಾ, ಹಾಂಕಾಂಗ್‌, ನ್ಯೂಜಿಲೆಂಡ್, ಗುವಾಮ್‌; ‘ಡಿ’ ಗುಂಪು: ಬಹ್ರೇನ್‌, ಲೆಬನಾನ್‌, ಭಾರತ, ಇರಾಕ್‌; ‘ಇ’ ಗುಂಪು: ಸೌದಿ ಅರೇಬಿಯಾ, ಸಿರಿಯಾ, ಕತಾರ್‌, ಇರಾನ್‌; ‘ಎಫ್’ ಗುಂಪು: ಜೋರ್ಡಾನ್‌, ಕಜಕಸ್ತಾನ, ಶ್ರೀಲಂಕಾ, ಪ್ಯಾಲೆಸ್ತೀನ್‌.

2032ರ ಒಲಿಂಪಿಕ್ಸ್‌ಗೆ ಬಿಡ್‌ ಸಲ್ಲಿಸಲು ನಿರ್ಧಾರ

2032ರ ಒಲಿಂಪಿಕ್‌ ಗೇಮ್ಸ್‌ ಆಯೋಜನೆಗೆ ಬಿಡ್‌ ಸಲ್ಲಿಸುವುದು ಸೇರಿದಂತೆ ಹಲವು ಅಂತರರಾಷ್ಟ್ರೀಯ ಟೂರ್ನಿಗಳ ಆತಿಥ್ಯವನ್ನು ಭಾರತಕ್ಕೆ ತರುವ ಪ್ರಯತ್ನ ಜಾರಿಯಲ್ಲಿದೆ ಎಂದು ಭಾರತೀಯ ಒಲಿಂಪಿಕ್‌ ಸಂಸ್ಥೆಯ ಅಧ್ಯಕ್ಷ ನರೀಂದರ್‌ ಬಾತ್ರಾ ಹೇಳಿದರು. 2025ಕ್ಕೆ ಬಿಡ್‌ ಪ್ರಕ್ರಿಯೆ ಆರಂಭವಾಗುತ್ತಿದ್ದು ಕಳೆದ ವರ್ಷವೇ ನಮ್ಮ ಆಸಕ್ತಿಯನ್ನು ತಿಳಿಸಿದ್ದೇವೆ ಎಂದು ಕರ್ನಾಟಕ ಒಲಿಂಪಿಕ್‌ ಭವನದಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಅವರು ತಿಳಿಸಿದರು.

2026ರ ಯೂತ್‌ ಒಲಿಂಪಿಕ್‌ ಗೇಮ್ಸ್‌, 2030ರ ಏಷ್ಯನ್‌ ಗೇಮ್ಸ್‌ ಆಯೋಜಿಸಲು ಆಸಕ್ತರಾಗಿರುವುದಾಗಿ ಬಾತ್ರಾ ತಿಳಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !