ಅಂತಿಮ ಸುತ್ತಿನಲ್ಲಿ ಅಂತರರಾಷ್ಟ್ರೀಯ ಗ್ರ್ಯಾಂಡ್‌ಮಾಸ್ಟರ್‌ ಆಂಧ್ರ ಪ್ರದೇಶದ ಪ್ರತ್ಯುಷಾ ಬೊಡ್ಡಾ ಅವರನ್ನು ಎದುರಿಸಿದ್ದ ಭಕ್ತಿ, ಡ್ರಾ ಸಾಧಿಸಿದರು. ಪಂದ್ಯದ ಆರಂಭದಲ್ಲಿ ದೊರೆತ ಉತ್ತಮ ಅವಕಾಶಗಳನ್ನು ಪ್ರತ್ಯುಷಾ ಕೈಚೆಲ್ಲಿದರು. 62 ನಡೆಗಳ ಬಳಿಕ ಇಬ್ಬರೂ ಡ್ರಾಗೆ ಸಮ್ಮತಿಸಿದರು. ಪ್ರಶಸ್ತಿ ಗೆದ್ದ ಭಕ್ತಿ ಅವರು ₹ 4 ಲಕ್ಷ ಬಹುಮಾನ ಮೊತ್ತ ತಮ್ಮದಾಗಿಸಿಕೊಂಡರು. 8.5 ಪಾಯಿಂಟ್‌ ಗಳಿಸಿದ ದಿಲ್ಲಿಯ ವಂತಿಕಾ ಅಗರ್ವಾಲ್‌ ಮೊದಲ ರನ್ನರ್‌ಅಪ್‌ ಆದರೆ, ಮಹಾರಾಷ್ಟ್ರದ ದಿವ್ಯಾ ದೇಶಮುಖ್‌ ಅಷ್ಟೇ ಪಾಯಿಂಟ್‌ ಗಳಿಸಿದರೂ ಟೈಬ್ರೇಕ್‌ ಸ್ಕೋರ್‌ ಆಧಾರದಲ್ಲಿ ಎರಡನೇ ರನ್ನರ್‌ ಅಪ್‌ ಆಗಿ ಹೊರಹೊಮ್ಮಿದರು.
