ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬಾಕ್ಸಿಂಗ್‌ ಲೀಗ್‌: ಗುಜರಾತ್‌ಗೆ ಆಘಾತ ನೀಡಿದ ಬಾಂಬೆ

Last Updated 13 ಡಿಸೆಂಬರ್ 2019, 20:00 IST
ಅಕ್ಷರ ಗಾತ್ರ

ನವದೆಹಲಿ: ಬಾಂಬೆ ಬುಲೆಟ್ಸ್‌ ತಂಡದವರು ಇಂಡಿಯನ್‌ ಬಾಕ್ಸಿಂಗ್‌ ಲೀಗ್‌ನ ಪಂದ್ಯದಲ್ಲಿ ಗುಜರಾತ್‌ ಜೈಂಟ್ಸ್‌ಗೆ ಆಘಾತ ನೀಡಿದ್ದಾರೆ.

ಇಲ್ಲಿನ ಇಂದಿರಾ ಗಾಂಧಿ ಒಳಾಂಗಣ ಕ್ರೀಡಾಂಗಣದಲ್ಲಿ ಗುರುವಾರ ರಾತ್ರಿ ನಡೆದ ಹಣಾಹಣಿಯಲ್ಲಿ ಬಾಂಬೆ ತಂಡ 4–3 ಯಿಂದ ಜಯಿಸಿತು. ಇದರೊಂದಿಗೆ ಒಟ್ಟು ಪಾಯಿಂಟ್ಸ್‌ ಅನ್ನು 11ಕ್ಕೆ ಹೆಚ್ಚಿಸಿಕೊಂಡು ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನ ಪಡೆಯಿತು.

ಪಟ್ಟಿಯಲ್ಲಿ ಅಗ್ರಸ್ಥಾನ ಹೊಂದಿರುವ ಜೈಂಟ್ಸ್‌ (17 ಪಾಯಿಂಟ್ಸ್‌) ತಂಡ ನಾಯಕ ಅಮಿತ್‌ ಪಂಘಾಲ್‌ (52 ಕೆ.ಜಿ), ಎಲ್‌.ಸರಿತಾ ದೇವಿ (60 ಕೆ.ಜಿ) ಮತ್ತು ಮೊಹಮ್ಮದ್‌ ಹಸಮುದ್ದೀನ್‌ (57 ಕೆ.ಜಿ) ಅವರ ಅನುಪಸ್ಥಿತಿಯಲ್ಲಿ ಕಣಕ್ಕಿಳಿದಿತ್ತು. ಇದು ತಂಡಕ್ಕೆ ಹಿನ್ನಡೆಯಾಗಿ ಪರಿಣಮಿಸಿತು.

69 ಕೆ.ಜಿ. ವಿಭಾಗದಲ್ಲಿ ರಿಂಗ್‌ಗೆ ಇಳಿದಿದ್ದ ಬಾಂಬೆ ತಂಡದ 20 ವರ್ಷದ ಬಾಕ್ಸರ್‌ ನವೀನ್‌ ಬೂರಾ, ಅನುಭವಿ ದುರ್ಯೋಧನ ಸಿಂಗ್‌ ನೇಗಿ ಅವರನ್ನು ಸೋಲಿಸಿ ಗಮನ ಸೆಳೆದರು. 52 ಕೆ.ಜಿ.ವಿಭಾಗದ ಸ್ಪರ್ಧೆಯಲ್ಲಿ ಅನಂತ ಚೋಪಡೆ ಅವರು ಗುಜರಾತ್‌ ತಂಡದ ಸಂಜಯ್‌ ಕುಮಾರ್‌ ವಿರುದ್ಧ ಜಯಿಸಿದರು.

ಮಹಿಳೆಯರ 60 ಕೆ.ಜಿ. ವಿಭಾಗದ ಪಂದ್ಯದಲ್ಲಿ ಪರ್ವೀನ್‌ ಹೂಡಾ ಅವರು ಸ್ಪೇನ್‌ನ ಮೆಲಿಸಾ ನೊಯೆಮಿ ಗೊಂಜಾಲೆಜ್‌ ಅವರನ್ನು ಮಣಿಸಿ ಗುಜರಾತ್‌ ತಂಡವು ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿ ಮುಂದುವರಿಯಲು ನೆರವಾದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT