ಇಲ್ಲಿ ನಡೆಯುತ್ತಿರುವ ಟೂರ್ನಿಯಲ್ಲಿ ಶುಕ್ರವಾರ ಪ್ರಣಯ್ 14–21, 21–17, 21–18ರಿಂದ ವಿಶ್ವ ಕ್ರಮಾಂಕದಲ್ಲಿ ಅಗ್ರಸ್ಥಾನದಲ್ಲಿರುವ, ಒಲಿಂಪಿಕ್ ಚಾಂಪಿಯನ್ ವಿಕ್ಟರ್ ಅಕ್ಸೆಲ್ಸೆನ್ ಅವರಿಗೆ ಆಘಾತ ನೀಡಿದರು. ಆದರೆ ಎ ಗುಂಪಿನ ಮೊದಲೆರಡು ಪಂದ್ಯಗಳಲ್ಲಿ ಸೋತಿದ್ದ ಕಾರಣ ಅವರು ಈಗಾಗಲೇ ಸೆಮಿಫೈನಲ್ ಅರ್ಹತೆಯಿಂದ ಹೊರಬಿದ್ದಿದ್ದರು. ಅಭಿಯಾನ ಅಂತ್ಯಗೊಳಿಸುವ ಮೊದಲು ಡೆನ್ಮಾರ್ಕ್ನ ಪ್ರಮುಖ ಆಟಗಾರನನ್ನು ಮಣಿಸಿದ ಸಮಾಧಾನ ಅವರದಾಯಿತು. 51 ನಿಮಿಷಗಳಲ್ಲಿ ಈ ಪಂದ್ಯ ಮುಗಿಯಿತು.