17 ವರ್ಷ ವಯಸ್ಸಿನೊಳಗಿನವರ ಚೆಸ್ ಟೂರ್ನಿ: ಜಗದೀಶ್, ಪ್ರಸಿದ್ಧಿ ಚಾಂಪಿಯನ್

6

17 ವರ್ಷ ವಯಸ್ಸಿನೊಳಗಿನವರ ಚೆಸ್ ಟೂರ್ನಿ: ಜಗದೀಶ್, ಪ್ರಸಿದ್ಧಿ ಚಾಂಪಿಯನ್

Published:
Updated:

ಮೈಸೂರು: ಬೆಂಗಳೂರಿನ ಪಿ.ಜಗದೀಶ್ ಮತ್ತು ಮೈಸೂರಿನ ಪ್ರಸಿದ್ಧಿ ಭಟ್ ಅವರು ಇಲ್ಲಿ ನಡೆದ ರಾಜ್ಯಮಟ್ಟದ 17 ವರ್ಷ ವಯಸ್ಸಿನೊಳಗಿನವರ ಚೆಸ್ ಟೂರ್ನಿಯಲ್ಲಿ ಕ್ರಮವಾಗಿ ಬಾಲಕ ಹಾಗೂ ಬಾಲಕಿಯರ ವಿಭಾಗಗಳಲ್ಲಿ ಪ್ರಶಸ್ತಿ ಗೆದ್ದರು.

ಮೈಸೂರು ಚೆಸ್ ಸೆಂಟರ್ ಮತ್ತು ಯುನೈಟೆಡ್ ಕರ್ನಾಟಕ ಚೆಸ್ ಸಂಸ್ಥೆ ಜಂಟಿ ಆಶ್ರಯದಲ್ಲಿ ನಡೆದ ಟೂರ್ನಿಯಲ್ಲಿ ಜಗದೀಶ್ ಒಂಬತ್ತು ಸುತ್ತುಗಳಲ್ಲಿ ಎಂಟು ಪಾಯಿಂಟ್‌ ಕಲೆಹಾಕಿ ಅಗ್ರಸ್ಥಾನ ತಮ್ಮದಾಗಿಸಿಕೊಂಡರು. 7.5 ಪಾಯಿಂಟ್‌ ಗಳಿಸಿದ ಮಂಗಳೂರಿನ ಶ್ರೀಕೃಷ್ಣ ಪ್ರಣಾಮ ‘ರನ್ನರ್‌ ಅಪ್‌’ ಆದರು.

ಬಾಲಕಿಯರ ವಿಭಾಗದಲ್ಲಿ ಪ್ರಸಿದ್ಧಿ ಭಟ್ ಒಟ್ಟು 7.5 ಪಾಯಿಂಟ್‌ ಸಂಗ್ರಹಿಸಿದರು. 7 ಪಾಯಿಂಟ್‌ ಕಲೆಹಾಕಿದ ಧಾರವಾಡದ ಶ್ರೀಯಾ ರೇವಣಕರ ‘ರನ್ನರ್‌ ಅಪ್‌’ ಆದರು.

ಬಾಲಕ ಮತ್ತು ಬಾಲಕಿಯರ ವಿಭಾಗಗಳಲ್ಲಿ ಚಾಂಪಿಯನ್ ಹಾಗೂ ರನ್ನರ್‌ ಅಪ್ ಸ್ಥಾನ ಆದವರು ಹರಿಯಾಣದಲ್ಲಿ ಮುಂದಿನ ತಿಂಗಳು ನಡೆಯಲಿರುವ ರಾಷ್ಟ್ರೀಯ ಟೂರ್ನಿಯಲ್ಲಿ ರಾಜ್ಯ ತಂಡವನ್ನು ಪ್ರತಿನಿಧಿಸಲಿದ್ದಾರೆ.

ಮೊದಲ ಐದು ಸ್ಥಾನ ಪಡೆದವರು: ಬಾಲಕರ ವಿಭಾಗ: 1.ಪಿ.ಜಗದೀಶ್, ಬೆಂಗಳೂರು (8 ಪಾಯಿಂಟ್), 2. ಶ್ರೀಕೃಷ್ಣ ಪ್ರಣಾಮ, ಮಂಗಳೂರು (7.5), 3. ಎನ್.ರಾಕೇಶ್, ಮಂಡ್ಯ (7), 4.ಶ್ರೇಯಸ್ ಎ.ಕುಲಕರ್ಣಿ, ಬೆಂಗಳೂರು (7), 5.ನವೋದಿತ್ ವಿ.ಭಟ್, ಬೆಂಗಳೂರು (6.5)

ಬಾಲಕಿಯರ ವಿಭಾಗ: 1.ಪ್ರಸಿದ್ಧಿ ಭಟ್, ಮೈಸೂರು (7.5 ಪಾಯಿಂಟ್), 2.ಶ್ರೀಯಾ ರೇವಣಕರ, ಧಾರವಾಡ (7), 3.ಧನ್ಯತಾ ಸಿ., ಬೆಂಗಳೂರು (6.5), 4.ತನಿಷಾ ಶೀತಲ್, ಧಾರವಾಡ (6.5), 5.ಸ್ವರಲಕ್ಷ್ಮಿ ನಾಯರ್, ಬೆಂಗಳೂರು (6.5)

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !