ವಿಜಯಪುರ: ಎರಡನೇ ದಿನವೂ ಪದಕಗಳನ್ನು ಜಯಿಸಿದ ವಿಜಯಪುರ ಕ್ರೀಡಾ ನಿಲಯದ ಸೈಕ್ಲಿಸ್ಟ್‌ಗಳು ರಾಜ್ಯಮಟ್ಟದ 15ನೇ ಮೌಂಟೇನ್ ಬೈಕ್ ಸೈಕ್ಲಿಂಗ್ ಚಾಂಪಿಯಷನ್‌ಚಿಪ್‌ನಲ್ಲಿ ಸಮಗ್ರ ಪ್ರಶಸ್ತಿ ಮುಡಿಗೇರಿಸಿಕೊಂಡರು.
ರಾಜ್ಯ ಮತ್ತು ಜಿಲ್ಲಾ ಅಮೆಚೂರ್‌ ಸೈಕ್ಲಿಂಗ್ ಸಂಸ್ಥೆಗಳ ಸಹಯೋಗದಲ್ಲಿ ಎರಡು ದಿನ ನಡೆದ ಟೂರ್ನಿಯಲ್ಲಿ ವಿಜಯಪುರ ಕ್ರೀಡಾನಿಲಯ 91 ಅಂಕ ಗಳಿಸಿದರೆ, 36 ಅಂಕಗಳನ್ನು ಪಡೆದ ಮೈಸೂರು ಜಿಲ್ಲೆಯ ತಂಡ ರನ್ನರ್ಸ್‌ ಅಪ್‌ ಆಯಿತು. ಒಟ್ಟು 5 ವಿಭಾಗಗಳಲ್ಲಿ ಸ್ಪರ್ಧೆಗಳು ಜರುಗಿದವು.
ಎರಡನೇ ದಿನದ ಫಲಿತಾಂಶ:ಬಾಲಕಿಯರ ವಿಭಾಗ: ಲ್ಯಾಪ್ ಒಂದು, 16 ವರ್ಷದೊಳಗಿನವರು: ಪಾಯಲ್ ಚವ್ಹಾಣ (ವಿಜಯಪುರ; ಕಾಲ:12ನಿಮಿಷ,22.01ಸೆ.)–1, ಭಾವನಾ ಪಾಟೀಲ (ಬಾಗಲಕೋಟೆ)–2, ಕೇರನ್ ಮಾರ್ಷಲ್ (ಮೈಸೂರು)–3.
ಲ್ಯಾಪ್ ಎರಡು, ಮಾಸ್ ಸ್ಟಾರ್ಟ್, 18 ವರ್ಷದ ಒಳಗಿನವರು: ಕಾವೇರಿ ಮುರನಾಳ (ವಿಜಯಪುರ; ಕಾಲ:25ನಿ,20.36ಸೆ.)–1, ದಾನಮ್ಮ ಗುರವ (ವಿಜಯಪುರ)–2, ಭಾವನಾ ಪಾಟೀಲ (ಬಾಗಲಕೋಟೆ)–3.
ಮಹಿಳೆಯರ ವಿಭಾಗ: ಲ್ಯಾಪ್ ಎರಡು, ಮಾಸ್ ಸ್ಟಾರ್ಟ್: ಸೌಮ್ಯಾ ಅಂತಾಪುರ (ವಿಜಯಪುರ)–1, ಕಾವೇರಿ ಮುರನಾಳ (ವಿಜಯಪುರ)–2, ಸಾವಿತ್ರಿ ಹೆಬ್ಬಾಳಟ್ಟಿ (ಬಾಗಲಕೋಟೆ)–3.
