100 ಮೀ. ಓಟದಲ್ಲಿ ರಜತ ಪದಕ ಗೆದ್ದುಕೊಂಡಿದ್ದ ಡೀನಾ, ಖಲೀಫಾ ಕ್ರೀಡಾಂಗಣದಲ್ಲಿ 200 ಮೀ. ಓಟವನ್ನು 21.88 ಸೆಕೆಂಡುಗಳಲ್ಲಿ ಕ್ರಮಿಸಿದರು. ಪ್ರಮುಖ ಅಥ್ಲೀಟುಗಳು ಗಾಯಾಳಾಗಿ ಹಿಂದೆಸರಿದ ಕಾರಣ ಈ ಓಟದಲ್ಲಿ, 23 ವರ್ಷದ ಡೀನಾ ಪ್ರಾಬಲ್ಯ ಮೆರೆದರು. ವಿಶ್ವ ಚಾಂಪಿಯನ್ಷಿಪ್ ಇತಿಹಾಸದಲ್ಲಿ 100 ಅಥವಾ 200 ಮೀ. ಓಟದಲ್ಲಿ ಚಿನ್ನ ಗೆದ್ದ ಬ್ರಿಟನ್ನ ಮೊದಲ ಮಹಿಳೆ ಎನಿಸಿದರು. ‘ಏನು ಹೇಳಬೇಕೊ ಗೊತ್ತಾಗುತ್ತಿಲ್ಲ. ನಾನು ಕನಸು ಕಂಡಿದ್ದೆ. ಈಗ ಸಾಕಾರಗೊಂಡಿದೆ’ ಎಂದು ಸಂಭ್ರಮದಲ್ಲಿದ್ದ ಅವರು ಪ್ರತಿಕ್ರಿಯಿಸಿದರು.