ಶುಕ್ರವಾರ, ಮೇ 29, 2020
27 °C

ಪ್ರೊ ಲೀಗ್‌ ವಿಸ್ತರಣೆ ಒಂದು ಅವಕಾಶ: ವರುಣ್‌ ಕುಮಾರ್‌

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಎಫ್‌ಐಎಚ್‌ ಪ್ರೊ ಲೀಗ್‌ ಹಾಕಿ ಒಂದು ವರ್ಷ ವಿಸ್ತರಣೆಯಾಗಿರುವುದು ಭಾರತ ಹಾಕಿ ತಂಡಕ್ಕೆ ದೊರೆತ ಒಂದು ಉತ್ತಮ ಅವಕಾಶ ಎಂದು ತಂಡದ ಡಿಫೆನ್ಸ್ ಆಟಗಾರ ವರುಣ್‌ ಕುಮಾರ್‌ ಹೇಳಿದ್ದಾರೆ. ಇದರಿಂದ ಟೋಕಿಯೊ ಒಲಿಂಪಿಕ್ಸ್‌ಗೂ ಮುನ್ನ ವಿಶ್ವದ ಪ್ರಮುಖ ತಂಡಗಳೊಂದಿಗೆ ಸೆಣಸಲು ಸಾಧ್ಯವಾಗುತ್ತದೆ ಎಂದು ಸೋಮವಾರ ಅವರು ಅಭಿಪ್ರಾಯಪಟ್ಟಿದ್ದಾರೆ.

ಎರಡನೇ ಆವೃತ್ತಿಯ ಪ್ರೊ ಲೀಗ್‌ ಅನ್ನು ಕೋವಿಡ್‌–19 ಪಿಡುಗಿನ ಹಿನ್ನೆಲೆಯಲ್ಲಿ ಅಂತರರಾಷ್ಟ್ರೀಯ ಹಾಕಿ ಫೆಡರೇಷನ್‌ (ಎಫ್‌ಐಎಚ್‌) 2021ರ ಜೂನ್‌ವರೆಗೆ ವಿಸ್ತರಿಸಿದೆ.

‘ಒಲಿಂಪಿಕ್ಸ್‌ ಮುಂದೂಡಿಕೆಯಾಗುವ ಜೊತೆಗೆ ನಮ್ಮ ತಂಡದ ವಾರ್ಷಿಕ ವೇಳಾಪಟ್ಟಿ ಸೇರಿದಂತೆ ಬದಲಾವಣೆಗಳು ಘಟಿಸಿದೆ. ಅಂಗಣದಲ್ಲಿ ನಾವು ಯಾವಾಗ ತರಬೇತಿ ನಡೆಸುತ್ತೇವೆ ಎಂಬುದು ಇನ್ನೂ ಖಚಿತವಿಲ್ಲ. ಸ್ಪರ್ಧಾತ್ಮಕ ಹಾಕಿಗೆ ಯಾವಾಗ ಮರಳುತ್ತೇವೆ ಎಂಬುದನ್ನು ಹೇಳಲು ಸಾಧ್ಯವಿಲ್ಲ’ ಎಂದು ವರುಣ್‌ ಹೇಳಿದ್ದಾರೆ.

‘ಪ್ರೊ ಲೀಗ್‌ ವಿಸ್ತರಣೆ ಮಾಡಿರುವ ಎಫ್‌ಐಎಚ್‌ ನಿರ್ಧಾರದಿಂದ ನಮಗೆ ಒಳ್ಳೆಯ ಅವಕಾಶ ಲಭಿಸಿದೆ. ಜಗತ್ತಿನ ಶ್ರೇಷ್ಠ ತಂಡಗಳ ವಿರುದ್ಧ ಸೆಣಸುವುದರೊಂದಿಗೆ ನಮ್ಮ ಸಾಮರ್ಥ್ಯವನ್ನು ಇನ್ನಷ್ಟು ಸುಧಾರಿಸಿಕೊಳ್ಳಬಹುದು. ಹಾಗೆಯೇ ಒಲಿಂಪಿಕ್ಸ್‌ನಲ್ಲಿ ಉತ್ತಮ ಆಟವನ್ನು ಆಡಬಹುದು’ ಎಂಬುದು ವರುಣ್‌ ಅವರ ಇಂಗಿತ.

ಬಲಗೈ ಗಾಯದಿಂದ ಬಳಲುತ್ತಿದ್ದ ವರುಣ್‌, ಒಲಿಂಪಿಕ್ಸ್‌ ಅರ್ಹತಾ ಸುತ್ತಿನ ಪಂದ್ಯಗಳಲ್ಲಿ ಕಣಕ್ಕಿಳಿದಿರಲಿಲ್ಲ. ಟೋಕಿಯೋ ಕೂಟಕ್ಕೆ ತೆರಳುವ 16 ಮಂದಿಯ ತಂಡದಲ್ಲಿ ಸ್ಥಾನ ಗಿಟ್ಟಿಸಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು