ಆರಂಭದಲ್ಲಿ ಉಭಯ ತಂಡಗಳ ಮಧ್ಯೆ ತೀವ್ರ ಪೈಪೋಟಿ ಕಂಡುಬಂತು. ಮುಯಿನ್ ಬೆಕ್ ಹಫೀಜ್ ನಾಯಕತ್ವದ ಆತಿಥೇಯ ತಂಡದವರು ಹಲವು ಬಾರಿ ಎದುರಾಳಿಯ ಬ್ಯಾಸ್ಕೆಟ್ ಕಡೆಗೆ ಚೆಂಡನ್ನು ಕೊಂಡೊಯ್ದರು. ಆದರೆ ಪಾಯಿಂಟ್ಸ್ ಗಳಿಸುವಲ್ಲಿ ಹೆಚ್ಚು ಯಶಸ್ಸು ಕಾಣಲಿಲ್ಲ. ಮೊದಲ ಕ್ವಾರ್ಟರ್ನಲ್ಲಿ ಜೋರ್ಡಾನ್ 30–14ರಿಂದ ಮುನ್ನಡೆ ಗಳಿಸಿತು. ಎರಡನೇ ಕ್ವಾರ್ಟರ್ನಲ್ಲಿ ಜೋರ್ಡಾನ್ ಮತ್ತಷ್ಟು ಶ್ರೇಷ್ಠ ಸಾಮರ್ಥ್ಯ ತೋರಿತು. ಭಾರತ ತಂಡದವರ ತಪ್ಪುಗಳ ಲಾಭ ಪಡೆದು 33–7 ಪಾಯಿಂಟ್ಸ್ನಿಂದ ಮೇಲುಗೈ ಸಾಧಿಸಿತು.