ಅಮಾನ್, ಜೋರ್ಡಾನ್: ಕಾಮನ್ವೆಲ್ತ್ ಗೇಮ್ಸ್ ಚಿನ್ನದ ಪದಕ ವಿಜೇತ, ಭಾರತದ ಗೌರವ್ ಸೋಲಂಕಿ (57 ಕೆಜಿ ವಿಭಾಗ) ಹಾಗೂ ಆಶಿಶ್ ಕುಮಾರ್ (75 ಕೆಜಿ) ಒಲಿಂಪಿಕ್ಸ್ ಅರ್ಹತಾ ಏಷ್ಯನ್ ಬಾಕ್ಸಿಂಗ್ ಟೂರ್ನಿಯ ಪ್ರೀಕ್ವಾರ್ಟರ್ಫೈನಲ್ಗೆ ಲಗ್ಗೆಯಿಟ್ಟಿದ್ದಾರೆ.
ಮಂಗಳವಾರ ನಡೆದ ಮೊದಲ ಸುತ್ತಿನ ಬೌಟ್ನಲ್ಲಿ ಗೌರವ್ ಅವರು ಕಿರ್ಗಿಸ್ತಾನದ ಅಕಿಲ್ಬೆಕ್ ಎಸೆನ್ಬೆಕ್ ವುಲು ಎದುರು 5–0 ಪಾಯಿಂಟ್ಸ್ಗಳಿಂದ ಗೆದ್ದರು.
ಕಿರ್ಗಿಸ್ತಾನದಲ್ಲಿ ಎರಡು ಬಾರಿ ರಾಷ್ಟ್ರೀಯ ಚಾಂಪಿಯನ್ ಆಗಿ ರುವಎಸೆನ್ಬೆಕ್ ಉಲು ವಿರುದ್ಧ ಗೌರವ್ ಸಂಪೂರ್ಣ ಪಾರಮ್ಯ ಮೆರೆದರು. ನಿಖರ ದಾಳಿ ಹಾಗೂ ನೇರ ಪಂಚ್ಗಳಿಂದ ಎದುರಾಳಿಯನ್ನು ಕಂಗೆಡಿಸಿದರು. 16ರ ಘಟ್ಟದ ಹಣಾಹಣಿಯಲ್ಲಿ ಅವರು ಉಜ್ಬೆಕಿಸ್ತಾನದ ಮಿರ್ ಅಜೀಜ್ಬೆಕ್ ಮಿರ್ಜಾ ಖಲಿಲೊವ್ ಎದುರು ಸೆಣಸಲಿದ್ದಾರೆ.
57 ಕೆಜಿ ವಿಭಾಗದಲ್ಲಿಮಿರ್ ಅಜೀ ಜ್ಬೆಕ್ ವಿಶ್ವ ಚಾಂಪಿಯನ್ ಆಗಿದ್ದಾರೆ.
ಮತ್ತೊಂದು ಹಣಾಹಣಿಯಲ್ಲಿ ಏಷ್ಯನ್ ಚಾಂಪಿಯನ್ಷಿಪ್ ಬೆಳ್ಳಿ ಪದಕ ವಿಜೇತ ಆಶಿಶ್, 5–0ಯಿಂದ ತೈವಾನ್ನ ಕಾನ್ ಚಿಯಾ ವೇ ಅವರಿಗೆ ಆಘಾತ ನೀಡಿದರು.
ಮುಂದಿನ ಬೌಟ್ನಲ್ಲಿ ಅವರು ಕಿರ್ಗಿಸ್ತಾನದ ಒಮುರ್ಬೆಕ್ ಬೆಕ್ಜಿಗಿಟ್ ವುಲು ಸವಾಲಿಗೆ ಸಜ್ಜಾಗಲಿದ್ದಾರೆ.