ನವದೆಹಲಿ: ಭಾರತದ ಜ್ಯೋತಿ ಗುಲಿಯ ಅವರು ಪೊಲೆಂಡ್ನಲ್ಲಿ ನಡೆಯುತ್ತಿರುವ ಸಿಲೆಸಿಯನ್ ಓಪನ್ ಮಹಿಳಾ ಬಾಕ್ಸಿಂಗ್ ಟೂರ್ನಿಯ ಯೂತ್ ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ.
ಶನಿವಾರ ನಡೆದ ಫೈನಲ್ ಪಂದ್ಯದಲ್ಲಿ ಜ್ಯೋತಿ, ಪೊಲೆಂಡ್ನ ಟಟಿಯಾನಾ ಪ್ಲುಟಾ ಅವರನ್ನು ಮಣಿಸಿದರು.
ಸೀನಿಯರ್ ಮಹಿಳೆಯರ 60 ಕೆ. ಜಿ. ವಿಭಾಗದ ಸೆಮಿಫೈನಲ್ನಲ್ಲಿ ಭಾರತದ ಅನುಭವಿ ಬಾಕ್ಸರ್ ಎಲ್. ಸರಿತಾ ದೇವಿ, 0–5ರಿಂದ ಕಜಕಸ್ತಾನದ ಕರಿನಾ ಇಬ್ರಾಗಿವೊಮಾ ಎದುರು ಸೋತರು. ಇದರೊಂದಿಗೆ ಕಂಚಿನ ಪದಕ ಪಡೆದರು.
69 ಕೆ.ಜಿ. ವಿಭಾಗದಲ್ಲಿ ಕಣದಲ್ಲಿದ್ದ ಲವ್ಲಿನಾ ಬೊರ್ಗೊಹೇನ್ ಮತ್ತು 81 ಕೆ.ಜಿ. ವಿಭಾಗದಲ್ಲಿ ಸ್ಪರ್ಧಿಸಿದ್ದ ಪೂಜಾ ರಾಣಿ ಅವರೂ ಸೆಮಿಫೈನಲ್ನಲ್ಲಿ ಸೋತು ಕಂಚಿನ ಪದಕಕ್ಕೆ ತೃಪ್ತಿಪಟ್ಟರು.