ಮಂಗಳವಾರ, ಅಕ್ಟೋಬರ್ 26, 2021
27 °C
ಜೂನಿಯರ್‌ ಶೂಟಿಂಗ್‌ ವಿಶ್ವ ಚಾಂಪಿಯನ್‌ಷಿಪ್‌: ಹತ್ತನೇ ಚಿನ್ನ ಗೆದ್ದ ಭಾರತ

ಚಿನ್ನಕ್ಕೆ ಗುರಿಯಿಟ್ಟ ವಿಜಯ್‌ವೀರ್‌–ರೈಥಮ್‌ ಸಂಗ್ವಾನ್‌

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಲಿಮಾ, ಪೆರು: ರೈಥಮ್ ಸಂಗ್ವಾನ್ ಹಾಗೂ ವಿಜಯ್‌ವೀರ್ ಸಿಧು ಚಿನ್ನಕ್ಕೆ ಮುತ್ತಿಡುವುದರೊಂದಿಗೆ ಜೂನಿಯರ್‌ ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಭಾರತದ ಶೂಟರ್‌ಗಳ ಪಾರಮ್ಯ ಮುಂದುವರಿದಿದೆ.

25 ಮೀಟರ್ಸ್‌ ರ‍್ಯಾಪಿಡ್‌ ಫೈರ್ ಪಿಸ್ತೂಲ್‌ ಮಿಶ್ರ ತಂಡ ವಿಭಾಗದಲ್ಲಿ ರೈಥಮ್ ಹಾಗೂ ವಿಜಯ್‌ವೀರ್ ಅಗ್ರಸ್ಥಾನ ಗಳಿಸಿದರು. ಇದರೊಂದಿಗೆ ಚಾಂಪಿಯನ್‌ಷಿಪ್‌ ಭಾರತಕ್ಕೆ ಒಲಿದ ಪದಕಗಳ ಒಟ್ಟು ಸಂಖ್ಯೆ 23ಕ್ಕೇರಿತು. ಅದರಲ್ಲಿ 10 ಚಿನ್ನದ ಪದಕಗಳು. ಇದರೊಂದಿಗೆ ಪದಕಪಟ್ಟಿಯಲ್ಲಿ ಅಗ್ರಸ್ಥಾನವನ್ನು ಕಾಯ್ದುಕೊಂಡಿದೆ.

ರೈಥಮ್–ಸಿಧು ಜೋಡಿಯು ಫೈನಲ್‌ನಲ್ಲಿ 9–1ರಿಂದ ಥಾಯ್ಲೆಂಡ್‌ನ ಕನ್ಯಾಕೊರ್ನ್‌ ಹಿರುನ್‌ಫೊಯಮ್‌–ಶಾವಕೊನ್ ತ್ರಿನಿಪಕ್ರೊನ್ ಅವರನ್ನು ಮಣಿಸಿದರು.

ಈ ವಿಭಾಗದ ಕಂಚಿನ ಪದಕವು ಭಾರತದ ತೇಜಸ್ವಿನಿ ಮತ್ತು ಅನೀಶ್ ಅವರ ಪಾಲಾಯಿತು. ಕಂಚಿನ ಪದಕದ ಹಣಾಹಣಿಯಲ್ಲಿ ಈ ಜೋಡಿಯು ಥಾಯ್ಲೆಂಡ್‌ನ ಮತ್ತೊಂದು ಜೋಡಿಯಾದ ಚಾವ್ಸಿಯಾ ಪಡುಕಾ ಮತ್ತು ರಾಮ್ ಖಮಹೆಂಗ್‌ ಅವರನ್ನು 10–8ರಿಂದ ಮಣಿಸಿತು.

ಮಹಿಳೆಯರ 50 ಮೀ. ರೈಫಲ್‌ 3 ಪೋಸಿಷನ್ಸ್‌ನಲ್ಲಿ ಪ್ರಸಿದ್ಧಿ ಮಹಾಂತ್, ನಿಶ್ಚಲ್‌ ಮತ್ತು ಆಯುಷಿ ಪೋದ್ದರ್‌ ಬೆಳ್ಳಿ ಪದಕ ತಮ್ಮದಾಗಿಸಿಕೊಂಡರು. ಫೈನಲ್‌ನಲ್ಲಿ ಈ ಶೂಟರ್‌ಗಳು 43–47ರಿಂದ ಅಮೆರಿಕದ ಎಲಿಜಬೆತ್‌ ಮೆಗಿನ್‌, ಲೋರೇನ್‌ ಜಾವೂನ್‌ ಮತ್ತು ಕೊರೊಲಿನ್‌ ಟಕ್ಕರ್ ಅವರಿಗೆ ಸೋತಿತು.

ಭಾರತದ ಬಳಿ ಸದ್ಯ 10 ಚಿನ್ನ, ಒಂಬತ್ತು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗಳಿವೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.