ಬೆಂಗಳೂರು: ಪಂಜಾಬ್‌ನ ಅಮನ್‌ದೀಪ್‌ ಡ್ರಾಲ್‌ ಅವರು ಹೀರೊ ಮಹಿಳಾ ಪ್ರೋ ಗಾಲ್ಫ್‌ ಟೂರ್ನಿಯ ನಾಲ್ಕನೇ ಲೆಗ್‌ನಲ್ಲಿ ಚಾಂಪಿಯನ್‌ ಆಗಿದ್ದಾರೆ. ಬೆಂಗಳೂರು ಗಾಲ್ಫ್‌ ಅಂಗಣದಲ್ಲಿ ನಡೆದ ಹಣಾಹಣಿಯಲ್ಲಿ ಶುಕ್ರವಾರ ಅವರು ದೆಹಲಿಯ ವಾಣಿ ಕಪೂರ್‌ ಎರಡನೇ ಸ್ಥಾನ ಗಳಿಸಿದರು.
ಟೂರ್ನಿಯ ಮೂರೂ ಸುತ್ತುಗಳಲ್ಲಿ ಮುನ್ನಡೆ ಕಾಯ್ದುಕೊಂಡೇ ಬಂದ ಅಮನ್‌ದೀಪ್‌ ಸಹಜವಾಗಿಯೇ ಪ್ರಶಸ್ತಿ ಒಲಿಸಿಕೊಂಡರು.
ಬೆಂಗಳೂರು ಗಾಲ್ಫರ್‌ ಅಸ್ಮಿತಾ ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡರೆ,ನಾಲ್ಕನೇ ಸ್ಥಾನ ಖುಷಿ ಖನಿಜಾವು ಪಾಲಾಯಿತು. ನೇಹಾ ತ್ರಿಪಾಠಿ ಹಾಗೂ ಒವಿಯಾ ರೆಡ್ಡಿ ಜಂಟಿ ಐದನೇ ಸ್ಥಾನ ಗಳಿಸಿದರು.
