ಲೀ ಕ್ಯಾಸ್ಟಲಿಟ್, ಫ್ರಾನ್ಸ್: ಪ್ರಮುಖ ರೇಸ್ ಕಾರು ಚಾಲಕ ಲ್ಯೂಯಿಸ್ ಹ್ಯಾಮಿಲ್ಟನ್ ದಾಖಲೆಯ ಪ್ರಶಸ್ತಿಯತ್ತ ಹೆಜ್ಜೆ ಇರಿಸಿದ್ದಾರೆ. ಭಾನುವಾರ ಮುಕ್ತಾಯಗೊಂಡ ಫ್ರೆಂಚ್ ಫಾರ್ಮುಲಾ ಒನ್ ಗ್ರ್ಯಾನ್ ಪ್ರಿಯಲ್ಲಿ ಗೆಲುವು ಸಾಧಿಸಿದ ಅವರು ಈ ಋತುವಿನ ಆರನೇ ಪ್ರಶಸ್ತಿ ತಮ್ಮದಾಗಿಸಿಕೊಂಡರು. ಇದು ಅವರ ವೃತ್ತಿ ಜೀವನದ 79ನೇ ಪ್ರಶಸ್ತಿಯಾಗಿದೆ. ಈ ಋತುವಿನಲ್ಲಿ ಅವರು ಇನ್ನೂ 13 ರೇಸ್ಗಳಲ್ಲಿ ಪಾಲ್ಗೊಳ್ಳಲಿದ್ದಾರೆ. ಒಟ್ಟಾರೆ 91 ಪ್ರಸಸ್ತಿ ಗೆದ್ದರೆ ಮೈಕೆಲ್ ಶುಮಾಕರ್ ಅವರ ದಾಖಲೆ ಸರಿಗಟ್ಟಲಿದ್ದಾರೆ.