ಚೆನ್ನೈ: ಭಾರತದ ಗ್ರ್ಯಾಂಡ್ಮಾಸ್ಟರ್ ಪೆಂಟಾಲ ಹರಿಕೃಷ್ಣ ಅವರು ಸೇಂಟ್ ಲೂಯಿಸ್ ರ್ಯಾಪಿಡ್ ಮತ್ತು ಬ್ಲಿಟ್ಜ್ ಆನ್ಲೈನ್ ಚೆಸ್ ಟೂರ್ನಿಯಲ್ಲಿ ಗುರುವಾರ ಮಿಶ್ರಫಲ ಕಂಡರು.ರ್ಯಾಪಿಡ್ ವಿಭಾಗದ ಕೊನೆಯ ಮೂರು ಸುತ್ತುಗಳಲ್ಲಿ ಆಡಿದ ಹರಿಕೃಷ್ಣ ಅವರು, ಮೊದಲ ಪಂದ್ಯದಲ್ಲಿ ಅಮೆರಿಕದ ಜೆಫರಿ ಕ್ಸಿಯೊಂಗ್ ಎದುರು ಗೆದ್ದರು. ಬಳಿಕ ಮತ್ತೊಬ್ಬ ಅಮೆರಿಕ ಪಟು ಹಿಕಾರು ನಕಮುರಾ ಎದುರು ಡ್ರಾ ಸಾಧಿಸಿದರು. ಕೊನೆಯ ಸುತ್ತಿನಲ್ಲಿ ಅಮೆರಿಕದವರೇ ಆದ ವೆಸ್ಲೆ ಸೋ ಅವರ ವಿರುದ್ಧ ಹರಿಕೃಷ್ಣ ಪರಾಭವಗೊಂಡರು.