ಕಬಡ್ಡಿ: ಸ್ಟೀಲರ್ಸ್‌ ಶುಭಾರಂಭ

7

ಕಬಡ್ಡಿ: ಸ್ಟೀಲರ್ಸ್‌ ಶುಭಾರಂಭ

Published:
Updated:
Deccan Herald

ಸೋನೆಪತ್‌: ಮೋನು ಗೋಯತ್‌, ಕುಲದೀಪ್ ಸಿಂಗ್ ಮತ್ತು ನವೀನ್ ಅವರ ಅಮೋಘ ಆಟದ ನೆರವಿನಿಂದ ಹರಿಯಾಣ ಸ್ಟೀಲರ್ಸ್ ತಂಡ ಗೆಲುವಿನೊಂದಿಗೆ ಪ್ರೊ ಕಬಡ್ಡಿ ಲೀಗ್‌ನ ತವರಿನ ಅಭಿಯಾನವನ್ನು ಆರಂಭಿಸಿತು.

ಇಲ್ಲಿನ ಮೋತಿಲಾಲ್ ನೆಹರೂ ಕ್ರೀಡಾಶಾಲೆಯ ಅಂಗಣದಲ್ಲಿ ಶುಕ್ರವಾರ ರಾತ್ರಿ ನಡೆದ ಪಂದ್ಯದಲ್ಲಿ ಆತಿಥೇಯರು ಗುಜರಾತ್ ಫಾರ್ಚೂನ್‌ಜೈಂಟ್ಸ್ ತಂಡವನ್ನು 32–25ರಿಂದ ಮಣಿಸಿದರು.

ಮೋನು ಗೋಯತ್‌ ಮತ್ತು ಕುಲದೀಪ್ ಸಿಂಗ್ ತಲಾ ಏಳು ಪಾಯಿಂಟ್ ಗಳಿಸಿದರೆ ನವೀನ್ ಆರು ಪಾಯಿಂಟ್ ಕಲೆ ಹಾಕಿದರು. ಮೂರು ಪಾಯಿಂಟ್ ಗಳಿಸಿದ ಸುನಿಲ್ ಕೂಡ ತಂಡದ ಗೆಲುವಿಗೆ ನೆರವಾದರು.

ಫಾರ್ಚೂನ್‌ಜೈಂಟ್ಸ್ ಪರವಾಗಿ ಪ್ರಪಂಚನ್‌ (9 ಪಾಯಿಂಟ್ಸ್‌), ಸಚಿನ್‌ (8 ಪಾಯಿಂಟ್ಸ್‌) ಮತ್ತು ಸುನಿಲ್ ಕುಮಾರ್‌ (5 ಪಾಯಿಂಟ್ಸ್‌) ಎದುರಾಳಿಗಳಿಗೆ ಪ್ರಬಲ ಪೈಪೋಟಿ ನೀಡಿದರು. ಆದರೆ ತಂಡವನ್ನು ಸೋಲಿನಿಂದ ಪಾರು ಮಾಡಲು ಅವರಿಗೆ ಸಾಧ್ಯವಾಗಲಿಲ್ಲ.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 1

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !