ತಾಯಿ ಹೈಹಿಲ್ಸ್‌ ಧರಿಸಿದ್ದೇ ಮಗುವಿನ ಪ್ರಾಣಕ್ಕೆ ಎರವಾಯ್ತೆ?

ಮೃತ ಮಗುವಿನ ಹೆಸರು ಮೊಹಮ್ಮದ್‌ ಶೇಖ್‌. ಮಗುವಿನೊಂದಿಗೆ ತಾಯಿ ಫೆಮಿದಾ ಶೇಖ್ ವಿವಾಹ ಸಮಾರಂಭದಲ್ಲಿ ಭಾಗವಹಿಸಲು ಈ ಹಾಲ್‌ಗೆ ಬಂದಿದ್ದರು. ಹೈಹಿಲ್ಸ್‌ ಧರಿಸಿದ್ದ ಫೆಮಿದಾ ಶೇಖ್‌, ಮಗುವನ್ನು ಎತ್ತಿಕೊಂಡು ಎರಡನೇ ಮಹಡಿಯಿಂದ ನೆಲಮಹಡಿಗೆ ಮೆಟ್ಟಿಲುಗಳಿಂದ ಇಳಿಯುವಾಗ ಎಡವಿದರು. ಆಗ ಅವರ ಕೈಲಿದ್ದ ಮಗು ಜಾರಿ ಬಿತ್ತು.

‘ಕೆಳಗೆ ಬಿದ್ದ ರಭಸಕ್ಕೆ ಮಗುವಿನ ಬೆನ್ನುಮೂಳೆಗೆ ಪೆಟ್ಟಾಗಿತ್ತು. ಚಿಕಿತ್ಸೆ ಕೊಡಿಸಲು ಆಸ್ಪತ್ರೆಗೆ ಒಯ್ಯುವಷ್ಟರಲ್ಲಿ ಮಗುವಿನ ಜೀವ ಹಾರಿಹೋಗಿತ್ತು’ ಎಂದು ಸಂಬಂಧಿಕರು ಇಲ್ಲಿನ ಮಹಾತ್ಮ ಪುಲೆ ಠಾಣೆಯ ಇನ್‌ಸ್ಪೆಕ್ಟರ್‌ಗೆ ತಿಳಿಸಿದ್ದಾರೆ.

ಇದೊಂದು ಆಕಸ್ಮಿಕ ಸಾವು ಎಂದು ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಮೃತಮಗುವನ್ನು ಪೋಷಕರಿಗೆ ಹಸ್ತಾಂತರಿಸಿದ್ದಾರೆ.