ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿರುವ ಬೆಲ್ಜಿಯಂ ನಂತರ ಮೋಡಿ ಮಾಡಿತು. 14ನೇ ನಿಮಿಷದಲ್ಲಿ ಅಲೆಕ್ಸಾಂಡರ್ ಹೆನ್ರಿಕ್ಸ್ ಪೆನಾಲ್ಟಿ ಕಾರ್ನರ್ ಅವಕಾಶದಲ್ಲಿ ಗೋಲು ಗಳಿಸಿ 1–1 ಸಮಬಲಕ್ಕೆ ಕಾರಣರಾದರು. 18ನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದ ಸಿಮನ್ ಗೌಗ್ನಾರ್ಡ್ ಬೆಲ್ಜಿಯಂ ತಂಡಕ್ಕೆ 2–1 ಮುನ್ನಡೆ ತಂದುಕೊಟ್ಟರು. 22ನೇ ನಿಮಿಷದಲ್ಲಿ ಈ ತಂಡಕ್ಕೆ ಮತ್ತೊಂದು ಪೆನಾಲ್ಟಿ ಕಾರ್ನರ್ ಲಭಿಸಿತು. ಈ ಅವಕಾಶವನ್ನು ಹೆನ್ರಿಕ್ಸ್ ಗೋಲಾಗಿ ಪರಿವರ್ತಿಸಿದರು. 30ನೇ ನಿಮಿಷದಲ್ಲಿ ಥಾಮಸ್ ಬ್ರೀಲ್ಸ್ ಪಡೆಗೆ ಮೂರನೇ ಪೆನಾಲ್ಟಿ ಕಾರ್ನರ್ ಸಿಕ್ಕಿತು. ಈ ಅವಕಾಶವನ್ನು ಸದು ಪಯೋಗಪಡಿಸಿಕೊಂಡ ಲೊಯಿಕ್ ಲುಯ್ಪಯೆರ್ಟ್ ತಂಡದ ಖಾತೆಗೆ ನಾಲ್ಕನೇ ಗೋಲು ಸೇರ್ಪಡೆ ಮಾಡಿದರು.