ಮಡಿಕೇರಿ: ನೆಲ್ಲಮಕ್ಕಡ ತಂಡವು ಕೊಡವ ಕೌಟುಂಬಿಕ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಟೂರ್ನಿಯಲ್ಲಿ ಗೆಲುವು ಪಡೆದು ಮುಂದಿನ ಸುತ್ತಿಗೆ ಪ್ರವೇಶಿಸಿತು.
ಕಾಕೋಟುಪರಂಬು ಮೈದಾನದಲ್ಲಿ ನಡೆಯುತ್ತಿರುವ ಟೂರ್ನಿಯಲ್ಲಿ ಶುಕ್ರವಾರ ನೆಲ್ಲಮಕ್ಕಡ ತಂಡ 4-0 ಗೋಲುಗಳಿಂದ ನೆರ್ಪಂಡ ತಂಡವನ್ನು ಸೋಲಿಸಿತು. ನೆಲ್ಲಮಕ್ಕಡ ಪರವಾಗಿ ಸೋಮಣ್ಣ ನಾಲ್ಕು ಗೋಲುಗಳನ್ನು ಗಳಿಸಿ ಜಯದ ರೂವಾರಿ ಎನಿಸಿಕೊಂಡರು.
ಕಂಬೇಯಂಡ ತಂಡ 1-0 ಗೋಲಿನಿಂದ ಚೆಯ್ಯಂಡ ತಂಡವನ್ನು ಪರಾಭವಗೊಳಿಸಿತು. ವಿಜೇತ ತಂಡದ ಪರವಾಗಿ ಕಾರ್ಯಪ್ಪ ಗೋಲು ತಂದಿತ್ತರು.
ಇತರ ಪಂದ್ಯಗಳಲ್ಲಿ ಕೊಂಡಿರ ತಂಡ 1–0 ರಲ್ಲಿ ಐಚೆಟ್ಟಿರ ವಿರುದ್ಧ; ಚೆಕ್ಕೆರ ತಂಡ 2–0 ರಲ್ಲಿ ಮುಕ್ಕಾಟಿರ ವಿರುದ್ಧ; ಇಟ್ಟಿರ 5–3 ರಲ್ಲಿ ಪೊನ್ನಚೆಟ್ಟಿರ ವಿರುದ್ಧ; ಚೋಯಮಾಡಂಡ 2–1 ರಲ್ಲಿ ಕಂಗಾಂಡ ತಂಡದ ವಿರುದ್ಧ ಜಯಿಸಿದವು.
