ಬ್ಯಾಸ್ಕೆಟ್‌ಬಾಲ್: ಐಎನ್‌ಬಿಎಲ್‌ಗೆ ಇಂದು ಚಾಲನೆ

ದೇಶದ 20 ನಗರಗಳಲ್ಲಿ ಏಕಕಾಲದಲ್ಲಿ ಪಂದ್ಯಗಳು ನಡೆಯಲಿದ್ದು ಪುರುಷರು, ಮಹಿಳೆಯರು, 18 ವರ್ಷದೊಳಗಿನ ಪುರುಷರು ಮತ್ತು ಮಹಿಳೆಯರ ವಿಭಾಗಗಳಲ್ಲಿ ಪೈಪೋಟಿ ನಡೆಯಲಿದೆ. ಬೆಂಗಳೂರು, ಐಜ್ವಾಲ್, ಭಾವ್‌ನಗರ್‌, ಭಿಲಾಯ್‌, ಚಂಡೀಗಢ, ಚೆನ್ನೈ, ಕಟಕ್, ದೆಹಲಿ, ಗುವಾಹಟಿ, ಹೈದರಾಬಾದ್, ಇಂದೋರ್, ಜೈಪುರ, ಕಂಗ್ರಾ, ಕೊಚ್ಚಿ, ಕೋಲ್ಕತ್ತ, ಲುಧಿಯಾನ, ಲಖನೌ, ಮುಂಬೈ, ಪಂಜಿಮ್ ಮತ್ತು ಪುದುಚೇರಿ ನಗರಗಳು ಪಂದ್ಯಗಳಿಗೆ ಆತಿಥ್ಯ ವಹಿಸಲಿವೆ.

ಈ ನಗರಗಳಲ್ಲಿ ನಡೆಯುವ ಲೀಗ್ ಪಂದ್ಯಗಳಲ್ಲಿ ಅಗ್ರ ಸ್ಥಾನ ಗಳಿಸುವ ತಂಡಗಳು ಬೆಂಗಳೂರಿನಲ್ಲಿ ನಡೆಯಲಿರುವ ಫೈನಲ್‌ನಲ್ಲಿ ಮುಖಾಮುಖಿಯಾಗಲಿವೆ. ಈ ಪಂದ್ಯಗಳು ಮೇ 27ರಿಂದ 29ರ ವರೆಗೆ ನಡೆಯಲಿವೆ ಎಂದು ಗೋವಿಂದರಾಜ್ ವಿವರಿಸಿದರು.