ಟಿ. ಟಿ: ಭಾರತಕ್ಕೆ ಆರು ಪದಕ

7

ಟಿ. ಟಿ: ಭಾರತಕ್ಕೆ ಆರು ಪದಕ

Published:
Updated:

ನವದೆಹಲಿ: ಭಾರತದ ಟೇಬಲ್‌ ಟೆನಿಸ್‌ ಆಟಗಾರರು ಜೋರ್ಡನ್‌ ಜೂನಿಯರ್‌ ಹಾಗೂ ಕೆಡೆಟ್‌ ಓಪನ್‌ ಟೂರ್ನಿಯಲ್ಲಿ ಅಮೋಘ ಸಾಧನೆ ಮಾಡಿದ್ದಾರೆ. 

ಭಾನುವಾರ ತಡರಾತ್ರಿ ನಡೆದ ಜೂನಿಯರ್‌ ಬಾಲಕಿಯರ ವಿಭಾಗದ ಫೈನಲ್‌ ಪಂದ್ಯದಲ್ಲಿ ಪ್ರಾಪ್ತಿ ಸೇನ್‌, ಸ್ವಸ್ತಿಕಾ ಘೋಷ್‌ ಹಾಗೂ ಸುರಭಿ ಪಟ್ವಾರಿ ಅವರಿದ್ದ ಭಾರತ ಬಿ ತಂಡವು 3–1ರಿಂದ ಸೆಲೆನಾ ಸೆಲ್ವಕುಮಾರ್‌, ಯಾಶಿನಿ ಶಿವಶಂಕರ್‌ ಅವರಿದ್ದ  ಭಾರತ ಎ ತಂಡವನ್ನು ಮಣಿಸಿತು. ಇದರೊಂದಿಗೆ ಚಿನ್ನಕ್ಕೆ ಕೊರಳೊಡ್ಡಿತು. 

ಜೂನಿಯರ್‌ ಬಾಲಕರ ವಿಭಾಗದ ಅಂತಿಮ ಹಣಾಹಣಿಯಲ್ಲಿ ಜೀತ್‌ ಚಂದ್ರಾ, ಮಾನುಶ್‌ ಶಾ, ಸ್ನೇಹಿತ್‌ ಸುರವಜ್ಜುಲಾ ಅವರಿದ್ದ ಭಾರತ ಎ ತಂಡವು 1–3ರಿಂದ ಚೀನಾ ತೈಪೆ ತಂಡದ ಎದುರು ಸೋತಿತು. ಈ ಮೂಲಕ ಬೆಳ್ಳಿಗೆ ತೃಪ್ತಿಪಟ್ಟುಕೊಂಡಿತು. 

ಅನುಕ್ರಮ್‌ ಜೈನ್‌, ಪಾರ್ಥ್ ವಿರ್ಮಾನಿ ಹಾಗೂ ಸಾರ್ಥಕ್‌ ಅವರಿದ್ದ ಭಾರತ ಬಿ ತಂಡವು ಸೆಮಿಫೈನಲ್‌ ಪಂದ್ಯದಲ್ಲಿ ಚೀನಾ ತೈಪೆ ವಿರುದ್ಧ ಸೋತು ಕಂಚಿನ ಪದಕ ಪಡೆಯಿತು. 

ಈ ಟೂರ್ನಿಯಲ್ಲಿ ಭಾರತ ಒಟ್ಟು ಆರು ಪದಕಗಳನ್ನು ತನ್ನದಾಗಿಸಿಕೊಂಡಿತು. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !