ವಿಶ್ವ ಆರ್ಚರಿ ಚಾಂಪಿಯನ್‌ಷಿಪ್‌: ಒಲಿಂಪಿಕ್‌ ಸ್ಥಾನ ಪಡೆಯುವತ್ತ ಚಿತ್ತ

ಬುಧವಾರ, ಜೂನ್ 26, 2019
29 °C
ಪ್ರಿಕ್ವಾರ್ಟರ್‌ಫೈನಲ್‌ಗೆ ಭಾರತದ ಪುರುಷ, ಮಹಿಳಾ ತಂಡಗಳು

ವಿಶ್ವ ಆರ್ಚರಿ ಚಾಂಪಿಯನ್‌ಷಿಪ್‌: ಒಲಿಂಪಿಕ್‌ ಸ್ಥಾನ ಪಡೆಯುವತ್ತ ಚಿತ್ತ

Published:
Updated:
Prajavani

ಡೆನ್‌ ಬಾಶ್‌ (ನೆದರ್ಲೆಂಡ್ಸ್): ಅಮೋಘ ಪ್ರದರ್ಶನ ತೋರಿದ ಭಾರತದ ಪುರುಷರ ರಿಕರ್ವ್‌ ವಿಭಾಗದ ಆರ್ಚರಿ ತಂಡ, ಇಲ್ಲಿ ನಡೆಯುತ್ತಿರುವ ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ನಾರ್ವೆ ತಂಡವನ್ನು ಮಣಿಸಿ ಪ್ರಿಕ್ವಾರ್ಟರ್‌ಫೈನಲ್‌ಗೆ ಲಗ್ಗೆಯಿಟ್ಟಿತು. ಎದುರಾಳಿಯನ್ನು 5–1ರಿಂದ ಸೋಲಿಸಿದ ಭಾರತೀಯರು ಟೋಕಿಯೊ ಒಲಿಂಪಿಕ್ಸ್‌ಗೆ ಸ್ಥಾನ ಪಡೆಯಲು ಕೇವಲ ಒಂದು ಜಯ ದೀಪಿಕಾ ಕುಮಾರಿ– ಎಎಫ್‌ಪಿ ಚಿತ್ರ ಸಾಧಿಸಬೇಕಿದೆ.

ತರುಣ್‌ ದೀಪ್‌ ರಾಯ್‌, ಪ್ರವೀಣ್ ಜಾಧವ್‌ ಮತ್ತು ಅತನು ದಾಸ್‌ ಅವನ್ನೊಳಗೊಂಡ ತಂಡ ಬುಧವಾರ ಕೆನಡಾದ ಎರಿಕ್‌ ಪೀಟರ್ಸ್‌, ಕ್ರಿಸ್ಪಿನ್‌ ಡ್ಯುನಸ್‌ ಮತ್ತು ಬ್ರಿಯಾನ್ ಮ್ಯಾಕ್ಸ್‌ವೆಲ್‌ ಅವರ ತಂಡವನ್ನು ಎದುರಿಸಲಿದೆ. ಇಲ್ಲಿ ಗೆದ್ದರೆ 2020ರ ಟೋಕಿಯೊ ಒಲಿಂಪಿಕ್ಸ್‌ಗೆ ಭಾರತ ಮೂರು ಅಥ್ಲೀಟ್‌ ಕೋಟಾಗಳನ್ನು ಪಡೆಯಲಿದೆ.

ಭಾರತದ ಮಹಿಳಾ ತಂಡ ಕೂಡ ಸ್ಪರ್ಧೆಯಲ್ಲಿ ಉಳಿದುಕೊಂಡಿದ್ದು, 55 ದೇಶಗಳು ಸ್ಪರ್ಧಿಸಿರುವ ಟೂರ್ನಿಯಲ್ಲಿ ಆರನೇ ಸ್ಥಾನದೊಡನೆ ಅರ್ಹತೆ ಪಡೆದುಕೊಂಡಿದೆ. ನೇರವಾಗಿ ನಿರ್ಣಾಯಕ ಸುತ್ತಿಗೆ ಪ್ರವೇಶ ಪಡೆದಿರುವ ತಂಡ 11ನೇ ಶ್ರೇಯಾಂಕದ ಬೆಲಾರಸ್‌ ತಂಡವನ್ನು ಬುಧವಾರ ಎದುರಿಸಲಿದೆ.

ಭಾರತದ ಪರವಾಗಿ ಸ್ಪರ್ಧಿಸಿದ್ದ ಲಾಯಿಶ್ರಾಮ್‌ ಬೊಂಬಯ್ಲಾದೇವಿ ಅರ್ಹತಾ ಸುತ್ತಿನಲ್ಲಿ 664 ಪಾಯಿಂಟ್‌ಗೆ ಗುರಿಯಿಟ್ಟು 15ನೇ ಸ್ಥಾನ ಪಡೆದರು. ದೀಪಿಕಾ 22ನೇ ಸ್ಥಾನ ಹಾಗೂ ಕೋಮಲಿಕಾ ಬಾರಿ 40ನೇ ಸ್ಥಾನ ಗಳಿಸಿದರು. ಒಟ್ಟು 152  ಸ್ಪರ್ಧಿಗಳು ಈ ಸ್ಪರ್ಧೆಯಲ್ಲಿದ್ದರು.

ಭಾರತ ತಂಡಕ್ಕೆ ಅಲ್ಪ ನಿರಾಸೆಯೂ ಕಾಡಿತು. ರಿಕರ್ವ್‌ ಮಿಕ್ಸೆಡ್‌ ವಿಭಾಗದಲ್ಲಿ ಸ್ಪರ್ಧಿಸಿದ್ದ ತರುಣದೀಪ್‌ ರಾಯ್‌ ಹಾಗೂ ಬೊಂಬಯ್ಲಾ ದೇವಿ ಜೋಡಿ, ಪೋಲೆಂಡ್‌ ಎದುರಾಳಿಯ ವಿರುದ್ಧ 4–5 (17/19)ರಿಂದ ಸೋಲನ್ನಪ್ಪಿತು. 


ದೀಪಿಕಾ ಕುಮಾರಿ –ಎಎಫ್‌ಪಿ ಚಿತ್ರ

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !