ಆಸ್ಟ್ರೇಲಿಯಾ, ಸ್ವಿಸ್‌ ಮತ್ತು ಆಲ್‌ ಇಂಗ್ಲೆಂಡ್ ಓಪನ್ ಟೂರ್ನಿಯ ಪ್ರಶಸ್ತಿ ಗೆದ್ದು ಇಲ್ಲಿಗೆ ಬಂದಿದ್ದ ಚೆನ್ ಮೊದಲ ಗೇಮ್‌ನಲ್ಲಿ ಗೆದ್ದರು. ನಿಧಾನವಾಗಿ ಆಟಕ್ಕೆ ಹೊಂದಿಕೊಂಡ ಸಿಂಧು ನಂತರ ಎದುರಾಳಿಯನ್ನು ಕಂಗೆಡಿಸಿ 10–4ರ ಮುನ್ನಡೆ ಸಾಧಿಸಿದರು. ಒಂದು ಪಾಯಿಂಟ್‌ ಮುನ್ನಡೆಯೊಂದಿಗೆ ವಿರಾಮಕ್ಕೆ ತೆರಳಿದರು. ಗೇಮ್‌ನ ದ್ವಿತೀಯಾರ್ಧದಲ್ಲಿ ಮೋಹಕ ಡ್ರಾ‍ಪ್‌, ಬ್ಯಾಕ್‌ಹ್ಯಾಂಡ್ ಸ್ಮ್ಯಾಷ್‌ಗಳ ಮೂಲಕ ರಂಜಿಸಿದರು. ಕೊನೆಯ ಎಂಟು ಪಾಯಿಂಟ್‌ಗಳ ಪೈಕಿ ಏಳನ್ನು ಬುಟ್ಟಿಗೆ ಹಾಕಿಕೊಂಡರು. ಎರಡನೇ ಗೇಮ್‌ನಲ್ಲೂ ಆರಂಭದಲ್ಲಿ ಚೆನ್ 4–0 ಮುನ್ನಡೆ ಸಾಧಿಸಿದರು. ನಂತರ ಗೇಮ್ ಏಕಪಕ್ಷೀಯವಾಯಿತು.
