ಬೆಂಗಳೂರು: ಕಶ್ವಿ ಚೆಸ್ ಸ್ಕೂಲ್ ಕುಂದಾಪುರ ವತಿಯಿಂದ ಇದೇ 10ರಿಂದ 17ರವರೆಗೆ ಅಂತರರಾಷ್ಟ್ರೀಯ ಮಟ್ಟದ ಮುಕ್ತ ಫಿಡೆ ರೇಟಿಂಗ್ ಚೆಸ್ ಟೂರ್ನಿಯು ಕೋಟೇಶ್ವರದ ಕರ್ನಾಟಕ ಪಬ್ಲಿಕ್ ಸ್ಕೂಲ್ ಮೈದಾನದಲ್ಲಿ ನಡೆಯಲಿದೆ.
‘ಟೂರ್ನಿಯನ್ನು ಕೋಟೇಶ್ವರದ ಹಳೆ ವಿದ್ಯಾರ್ಥಿಗಳ ಸಂಘ ಕರ್ನಾಟಕ ಪಬ್ಲಿಕ್ ಸ್ಕೂಲ್ ನ ಸಹಯೋಗದಲ್ಲಿ ದಕ್ಷಿಣ ಭಾರತದಲ್ಲಿಯೇ ಪ್ರಪ್ರಥಮ ಬಾರಿಗೆ ಆಯೋಜಿಸಲಾಗಿದೆ.ವಯಸ್ಸಿನ ಮಿತಿ ಇಲ್ಲ’ ಎಂದುಕುಂದಾಪುರದ ಕಶ್ವಿ ಚೆಸ್ ಸ್ಕೂಲ್ ವ್ಯವಸ್ಥಾಪಕ ಬಿ. ನರೇಶ್ ಗುರುವಾರ ತಿಳಿಸಿದರು.
‘ಟೂರ್ನಿಗೆ ಕರ್ನಾಟಕ, ಕೇರಳ, ದೆಹಲಿ ಹಾಗೂ ಇತರ ರಾಜ್ಯಗಳಿಂದಲ್ಲದೆ, ವಿದೇಶದಿಂದಲೂ ಸ್ಪರ್ಧಿಗಳು ಬರಲಿದ್ದಾರೆ’ ಎಂದರು.
ಟೂರ್ನಿಯು ಒಟ್ಟು ₹20.32 ಲಕ್ಷ ನಗದು ಬಹುಮಾನ ಒಳಗೊಂಡಿದೆ.161 ಟ್ರೋಫಿಗಳನ್ನು ಪ್ರತಿ ವಿಭಾಗದ ಹಾಗೂ ವಿವಿಧ ವಯೋಮಿತಿಯಲ್ಲಿ ಗೆದ್ದವರಿಗೆ ಪ್ರತ್ಯೇಕವಾಗಿ ನೀಡಲಾಗುತ್ತದೆ.