ಬೆಂಗಳೂರು: ಇಂಟರ್‌ನ್ಯಾಷನಲ್ ಪ್ರೀಮಿಯರ್ ಕಬಡ್ಡಿ ಲೀಗ್‌ ಮೇ 13ರಿಂದ ಜೂನ್‌ 4ರವರೆಗೆ ನಡೆಯಲಿದೆ. ಪುಣೆ, ಮೈಸೂರು ಮತ್ತು ಬೆಂಗಳೂರಿನಲ್ಲಿ ಪಂದ್ಯಗಳನ್ನು ಆಯೋಜಿಸಲಾಗಿದೆ.
ಐಪಿಕೆಎಲ್‌ನಲ್ಲಿ16 ವಿದೇಶಿ ಮತ್ತುಭಾರತದ 160 ಆಟಗಾರರು ಭಾಗವಹಿಸಲಿದ್ದು, 8 ತಂಡಗಳನ್ನು ಪ್ರತಿನಿಧಿಸಲಿದ್ದಾರೆ. ಪುಣೆಯ ಬಾಲೆವಾಡಿ ಕ್ರೀಡಾಂಗಣದಲ್ಲಿ ಮೇ 13ರಿಂದ 21ವರೆಗೆ ಮೊದಲ ಹಂತದ 20 ಪಂದ್ಯಗಳು, ಮೇ 24ರಿಂದ 29ವರೆಗೆ ಮೈಸೂರಿನ ಚಾಮುಂಡಿ ವಿಹಾರ ಕ್ರೀಡಾಂಗಣದಲ್ಲಿ ಎರಡನೇ ಹಂತದ 17 ಪಂದ್ಯಗಳು ನಡೆಯುತ್ತವೆ.ಜೂನ್‌ 4ರಂದುಬೆಂಗಳೂರಿನ ಕಂಠೀರವ ಕ್ರೀಡಾಂಗಣದಲ್ಲಿ ಅಂತಿಮ ಹಂತದ 7 ಪಂದ್ಯಗಳನ್ನು ಆಯೋಜಿಸಲಾಗಿದೆ.
ಬೆಂಗಳೂರು ರೈನೋಸ್‌, ಚೆನ್ನೈ ಚಾಲೆಂಜರ್ಸ್, ದಿಲ್ಲರ್ಸ್ ಡೆಲ್ಲಿ, ತೆಲುಗು ಬುಲ್ಸ್, ಪುಣೆ ಪ್ರೈಡ್‌, ಹರಿಯಾಣ ಹೀರೋಸ್‌, ಮುಂಬೈ ಚೆ ರಾಜೇ ಹಾಗೂ ರಾಜಸ್ಥಾನ ರಜಪೂತ್‌ ತಂಡಗಳು ಸೆಣಸಲಿದ್ದು, ಡಿ–ಸ್ಪೋರ್ಟ್ ಟಿವಿಯಲ್ಲಿ ಪಂದ್ಯಗಳು ಪ್ರಸಾರವಾಗಲಿವೆ ಎಂದು ಪ್ರಕಟಣೆ ತಿಳಿಸಿದೆ.
