ಐಲ್ ಆಫ್ ಮ್ಯಾನ್: ಭಾರತದ ವಿಶ್ವನಾಥನ್ ಆನಂದ್ ಇಲ್ಲಿ ನಡೆಯುತ್ತಿರುವ ಐಲ್ ಆಫ್ ಮ್ಯಾನ್ ಅಂತರರಾಷ್ಟ್ರೀಯ ಚೆಸ್ ಟೂರ್ನಿಯಲ್ಲಿ ಶುಕ್ರವಾರ ಗೆಲುವು ಸಾಧಿಸಿದರು. ಜರ್ಮನಿಯ ಡ್ಯಾನಿಯೆಲ್ ಫ್ರಿಡ್ಮ್ಯಾನ್ ಅವರನ್ನು ಆನಂದ್ ಮಣಿಸಿದರು.
ಆದರೆ ಭಾರತದ ಮತ್ತೊಬ್ಬ ಭರವಸೆಯ ಆಟಗಾರ ಅಭಿಜಿತ್ ಗುಪ್ತಾ ಅಮೆರಿಕದ ಹಿಕಾರು ನಕಮುರು ಎದುರು ಸೋತರು.
ಬಿ.ಅಧಿಬನ್ ಅಮೆರಿಕದ ಲೆವಾನ್ ಅರೋನಿಯನ್ ಜೊತೆ ಡ್ರಾ ಸಾಧಿಸಿ ಮುನ್ನಡೆ ಉಳಿಸಿಕೊಂಡರು. ಮೂರು ಸುತ್ತುಗಳು ಬಾಕಿ ಇರುವಂತೆಯೇ ಆರು ಆಟಗಾರರು ತಲಾ ಐದು ಪಾಯಿಂಟ್ಗಳೊಂದಿಗೆ ಅಗ್ರಸ್ಥಾನದಲ್ಲಿದ್ದಾರೆ.