ಹಾಕಿ: ಭಾರತ ಶುಭಾರಂಭ

7

ಹಾಕಿ: ಭಾರತ ಶುಭಾರಂಭ

Published:
Updated:

ಜೋಹರ್‌ ಬಹ್ರು, ಮಲೇಷ್ಯಾ: ಭಾರತ ಜೂನಿಯರ್‌ ಪುರುಷರ ಹಾಕಿ ತಂಡದವರು ಸುಲ್ತಾನ್‌ ಜೋಹರ್‌ ಕ‍ಪ್‌ ಹಾಕಿ ಟೂರ್ನಿಯಲ್ಲಿ ಶುಭಾರಂಭ ಮಾಡಿದ್ದಾರೆ.

ಶನಿವಾರ ನಡೆದ ಮೊದಲ ಹಣಾಹಣಿಯಲ್ಲಿ ಭಾರತ 2–1 ಗೋಲುಗಳಿಂದ ಆತಿಥೇಯ ಮಲೇಷ್ಯಾ ತಂಡವನ್ನು ಸೋಲಿಸಿತು.

ಆರಂಭದಿಂದಲೇ ಚುರುಕಿನ ಆಟಕ್ಕೆ ಅಣಿಯಾದ ಭಾರತ ತಂಡ 12ನೇ ನಿಮಿಷದಲ್ಲಿ ಖಾತೆ ತೆರೆಯಿತು. ಹರ್ಮನ್‌ಜೀತ್‌ ಸಿಂಗ್‌ ಗೋಲು ದಾಖಲಿಸಿದರು. 46ನೇ ನಿಮಿಷದಲ್ಲಿ ಶಿಲಾನಂದ ಲಾಕ್ರಾ ಚೆಂಡನ್ನು ಗುರಿ ಮುಟ್ಟಿಸಿ 2–0ರ ಮುನ್ನಡೆಗೆ ಕಾರಣರಾದರು. 47ನೇ ನಿಮಿಷದಲ್ಲಿ ಮಲೇಷ್ಯಾ ತಂಡದ ಮೊಹಮ್ಮದ್‌ ಜೈದಿ ಗೋಲು ಬಾರಿಸಿ ಹಿನ್ನಡೆಯನ್ನು 1–2ಕ್ಕೆ ತಗ್ಗಿಸಿದರು. ದ್ವಿತೀಯಾರ್ಧದಲ್ಲಿ ಚುರುಕಿನ ಆಟ ಆಡಿದ ಭಾರತ ಗೆಲುವಿನ ತೋರಣ ಕಟ್ಟಿತು.

ಭಾನುವಾರ ನಡೆಯುವ ಪಂದ್ಯದಲ್ಲಿ ಭಾರತ, ನ್ಯೂಜಿಲೆಂಡ್‌ ಎದುರು ಆಡಲಿದೆ.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !