ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕಬಡ್ಡಿ: ಭಾರತ ತಂಡಗಳ ಶುಭಾರಂಭ

Last Updated 19 ಆಗಸ್ಟ್ 2018, 20:13 IST
ಅಕ್ಷರ ಗಾತ್ರ

ಜಕಾರ್ತ: ಭಾರತದ ಪುರುಷರ ಮತ್ತು ಮಹಿಳಾ ಕಬಡ್ಡಿ ತಂಡಗಳು ಏಷ್ಯನ್‌ ಕೂಟದಲ್ಲಿ ಶುಭಾರಂಭ ಮಾಡಿವೆ.

ಭಾನುವಾರ ನಡೆದ ‘ಎ’ ಗುಂಪಿನ ತನ್ನ ಮೊದಲ ಹಣಾಹಣಿಯಲ್ಲಿ ಅಜಯ್‌ ಠಾಕೂರ್‌ ಸಾರಥ್ಯದ ಪುರುಷರ ತಂಡ 50–21 ಪಾಯಿಂಟ್ಸ್‌ನಿಂದ ಬಾಂಗ್ಲಾದೇಶವನ್ನು ಮಣಿಸಿತು.

ಎರಡನೆ ಹಣಾಹಣಿಯಲ್ಲಿ ಈ ತಂಡ 44–28 ಪಾಯಿಂಟ್ಸ್‌ನಿಂದ ಶ್ರೀಲಂಕಾ ಎದುರು ಗೆದ್ದಿತು.

2014ರ ಇಂಚೆನ್‌ ಕೂಟದಲ್ಲಿ ಚಿನ್ನದ ಪದಕ ಗೆದ್ದಿದ್ದ ಭಾರತ ತಂಡಕ್ಕೆ ಶ್ರೀಲಂಕಾ ಮತ್ತು ಬಾಂಗ್ಲಾ ತಂಡಗಳು ಸಾಟಿಯಾಗಲಿಲ್ಲ.

ಎರಡು ಪಂದ್ಯಗಳಲ್ಲೂ ಅಜಯ್‌ ಬಳಗ ರೈಡಿಂಗ್‌ ಮತ್ತು ರಕ್ಷಣಾ ವಿಭಾಗದಲ್ಲಿ ಪರಿಣಾಮಕಾರಿ ಸಾಮರ್ಥ್ಯ ತೋರಿ ಅಭಿಮಾನಿಗಳನ್ನು ರಂಜಿಸಿತು.

ಸೋಮವಾರ ನಡೆಯುವ ಪಂದ್ಯದಲ್ಲಿ ಅಜಯ್‌ ಪಡೆ, ದಕ್ಷಿಣ ಕೊರಿಯಾ ಎದುರು ಸೆಣಸಲಿದೆ.

ಮಹಿಳಾ ವಿಭಾಗದ ‘ಎ’ ಗುಂಪಿನ ಹಣಾಹಣಿಯಲ್ಲಿ ಭಾರತ ತಂಡ 43–12 ಪಾಯಿಂಟ್ಸ್‌ನಿಂದ ಜಪಾನ್‌ ಎದುರು ವಿಜಯಿಯಾಯಿತು.

ಸೋಮವಾರ ನಡೆಯುವ ಪಂದ್ಯದಲ್ಲಿ ಭಾರತ ತಂಡ ಥಾಯ್ಲೆಂಡ್‌ ಸವಾಲು ಎದುರಿಸಲಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT