ಸೆಮಿಫೈನಲ್ ಲೀಗ್ ಪಂದ್ಯಗಳಲ್ಲಿ ಅಮೋಘ ರೇಡಿಂಗ್ ಮೂಲಕ ಅರ್ಚನಾ ಮತ್ತು ಆಲ್ರೌಂಡ್ ಆಟದ ಮೂಲಕ ಬೃಂದಾ ಮಿಂಚಿದರು. ಮೊದಲ ಪಂದ್ಯದಲ್ಲಿ ಅಳಗಪ್ಪ ವಿವಿಯನ್ನು 40–29ರಲ್ಲಿ ಮಣಿಸಿದ ತಂಡ ಎರಡನೇ ಪಂದ್ಯದಲ್ಲಿ ದಿಂಡಿಗಲ್ನ ಮದರ್ ಥೆರೆಸಾ ವಿವಿ ಜೊತೆ 26–26ರಲ್ಲಿ ಡ್ರಾ ಸಾಧಿಸಿತು. ಭಾರತಿಯಾರ್ ವಿವಿ ಎದುರಿನ ನಿರ್ಣಾಯಕ ಮೂರನೇ ಪಂದ್ಯ ಅತ್ಯಂತ ರೋಚಕವಾಗಿತ್ತು. ಮೊದಲಾರ್ಧ ಮುಗಿದಾಗ ಉಭಯ ತಂಡಗಳು 13–13 ಪಾಯಿಂಟ್ಗಳ ಸಮಬಲ ಸಾಧಿಸಿದ್ದವು. ದ್ವಿತೀಯಾರ್ಧದಲ್ಲಿ ಪಟ್ಟು ಬಿಡದೆ ಆಡಿದ ಮಂಗಳೂರು ವಿವಿ ರೋಚಕವಾಗಿ ಪಂದ್ಯ ಗೆದ್ದುಕೊಂಡಿತು.