ಶುರಾ ಕಿಟಾಟಾ (2 ತಾಸು 5 ನಿಮಿಷ 41 ಸೆಕೆಂಡು) ಅವರು ಇಲ್ಲಿ ಮೊದಲ ಬಾರಿ ಪ್ರಶಸ್ತಿ ಜಯಿಸಿದ್ದಲ್ಲದೆ, ಎಲ್ಯೂಡ್ ಕಿಪ್ಚೊಗೆ ಅವರ ನಾಲ್ಕು ವರ್ಷಗಳ ಅಧಿಪತ್ಯಕ್ಕೆ ಅಂತ್ಯ ಹಾಡಿದರು. ಎರಡನೇ ಸ್ಥಾನವು ಕೆನ್ಯಾದ ವಿನ್ಸೆಂಟ್ ಕಿಪ್ಚುಂಬಾ (2 ತಾಸು, 5 ನಿಮಿಷ, 42 ಸೆಕೆಂಡು) ಅವರ ಪಾಲಾಯಿತು. 2 ತಾಸು, 5 ನಿಮಿಷ, 45 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿದ ಇಥಿಯೋಪಿಯಾದ ಸಿಸಾಯ್ ಲೆಮ್ಮಾ ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡರು. ವಿಶ್ವದಾಖಲೆಯ ಶ್ರೇಯ ಹೊಂದಿರುವ ಎಲ್ಯೂಡ್ ಕಿಪ್ಚೊಗೆ ಅವರು ಎಂಟನೇ ಸ್ಥಾನ ಗಳಿಸಿದರು.