ಶುಕ್ರವಾರ, ಅಕ್ಟೋಬರ್ 23, 2020
27 °C

ಲಂಡನ್‌ ಮ್ಯಾರಥಾನ್‌: ಕಿಟಾಟ, ಬ್ರಿಗಿಡ್ ಚಾಂಪಿಯನ್‌

ಎಪಿ Updated:

ಅಕ್ಷರ ಗಾತ್ರ : | |

Prajavani

ಲಂಡನ್‌ : ಪ್ರತಿಷ್ಠಿತ ಲಂಡನ್‌ ಮ್ಯಾರಥಾನ್‌ನಲ್ಲಿ ಇಥಿಯೋಪಿಯಾದ ಶುರಾ ಕಿಟಾಟಾ ಹಾಗೂ ಕೆನ್ಯಾದ ಬ್ರಿಗಿಡ್‌ ಕೋಸ್ಗಿ ಅವರು ಕ್ರಮವಾಗಿ ಪುರುಷ ಹಾಗೂ ಮಹಿಳೆಯರ ವಿಭಾಗದಲ್ಲಿ ಚಾಂಪಿಯನ್‌ಗಳಾಗಿ ಆಗಿ ಹೊರಹೊಮ್ಮಿದ್ದಾರೆ.

ಶುರಾ ಕಿಟಾಟಾ (2 ತಾಸು 5 ನಿಮಿಷ 41 ಸೆಕೆಂಡು) ಅವರು ಇಲ್ಲಿ ಮೊದಲ ಬಾರಿ ಪ್ರಶಸ್ತಿ ಜಯಿಸಿದ್ದಲ್ಲದೆ, ಎಲ್ಯೂಡ್‌ ಕಿಪ್ಚೊಗೆ ಅವರ ನಾಲ್ಕು ವರ್ಷಗಳ ಅಧಿಪತ್ಯಕ್ಕೆ ಅಂತ್ಯ ಹಾಡಿದರು. ಎರಡನೇ ಸ್ಥಾನವು ಕೆನ್ಯಾದ ವಿನ್ಸೆಂಟ್‌ ಕಿಪ್ಚುಂಬಾ (2 ತಾಸು, 5 ನಿಮಿಷ, 42 ಸೆಕೆಂಡು) ಅವರ ಪಾಲಾಯಿತು. 2 ತಾಸು, 5 ನಿಮಿಷ, 45 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿದ ಇಥಿಯೋಪಿಯಾದ ಸಿಸಾಯ್‌ ಲೆಮ್ಮಾ ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡರು. ವಿಶ್ವದಾಖಲೆಯ ಶ್ರೇಯ ಹೊಂದಿರುವ ಎಲ್ಯೂಡ್‌ ಕಿಪ್ಚೊಗೆ ಅವರು ಎಂಟನೇ ಸ್ಥಾನ ಗಳಿಸಿದರು.

ಮಹಿಳಾ ವಿಭಾಗದಲ್ಲಿ ಕೋಸ್ಗಿ (2 ಗಂಟೆ, 18 ನಿಮಿಷ, 58 ಸೆಕೆಂಡು), ಅಮೆರಿಕದ ಸಾರಾ ಹಾಲ್ ಅವರನ್ನು ಹಿಂದಿಕ್ಕಿ ಮೊದಲ ಸ್ಥಾನ ಪಡೆದರು. ಹಿಂದಿನ ಆವೃತ್ತಿಯಲ್ಲೂ ಕೋಸ್ಗಿ ಅವರು ಪ್ರಶಸ್ತಿ ಜಯಿಸಿದ್ದರು. ಸಾರಾ 2 ಗಂಟೆ 22 ನಿಮಿಷ 1 ಸೆಕೆಂಡ್‌ನಲ್ಲಿ ಗುರಿ ತಲುಪಿದರು. ಮೂರನೇ ಸ್ಥಾನವು ಕೆನ್ಯಾದ ರುತ್‌ ಚೆಪ್ನೆಟಿಚ್‌ ( 2 ಗಂಟೆ, 22 ನಿಮಿಷ, 5 ಸೆಕೆಂಡು) ಅವರ ಪಾಲಾಯಿತು. 

ಚಾಂಪಿಯನ್‌ಗಳಾದ ಶುರಾ ಹಾಗೂ ಕೋಸ್ಗಿ ಅವರು ತಲಾ ₹ 40 ಲಕ್ಷ ನಗದು ಬಹುಮಾನ ಪಡೆದರು.

ಲಂಡನ್‌ ಮ್ಯಾರಥಾನ್‌ ಮೊದಲು ಏಪ್ರಿಲ್‌ನಲ್ಲಿ ನಿಗದಿಯಾಗಿತ್ತು. ಕೊರೊನಾ ಹಾವಳಿಯ ಹಿನ್ನೆಲೆಯಲ್ಲಿ ಮುಂದೂಡಲಾಗಿತ್ತು. ಸಾಂಪ್ರದಾಯಿಕ ರಸ್ತೆ ಮಾರ್ಗದ ಬದಲಾಗಿ ಸೇಂಟ್‌ ಜೇಮ್ಸ್ ಪಾರ್ಕ್‌ನಲ್ಲಿ ರೇಸ್‌ ಆಯೋಜಿಸಲಾಗಿತ್ತು. ಎಲೀಟ್‌ ಓಟಗಾರರಿಗೆ ಮಾತ್ರ ಅವಕಾಶ ಕಲ್ಪಿಸಲಾಗಿತ್ತು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು