ಕೊಡವ ಕೌಟುಂಬಿಕ ಹಾಕಿ ಉತ್ಸವ: ಪೆಮ್ಮಡಿಯಂಡ ತಂಡಕ್ಕೆ ಗೆಲುವು

ಭಾನುವಾರ ನಡೆದ ಪಂದ್ಯದಲ್ಲಿ ಪೆಮ್ಮಡಿಯಂಡ ತಂಡವು 4–3 ಗೋಲುಗಳ ಅಂತರದಿಂದ ಮಚ್ಚುರ ತಂಡದ ವಿರುದ್ಧ ಗೆದ್ದಿತು. ಇನ್ನೊಂದು ಪಂದ್ಯದಲ್ಲಿ ಮೇವಡ ತಂಡವು ಬೊಳಿಯಾಡಿರ ತಂಡದ ವಿರುದ್ಧ 5 ಗೋಲು ಗಳಿಸಿ ಭರ್ಜರಿ ಗೆಲುವು ದಾಖಲಿಸಿತು.

ಇನ್ನುಳಿದ ಪಂದ್ಯಗಳಲ್ಲಿ; ಪುಟ್ಟಿಚಂಡ ತಂಡ 1–0ಯಿಂದ ಕಾಂಡಂಡ ತಂಡದ ವಿರುದ್ಧ; ಚೇರಂಡ 2–0ಯಿಂದ ಅಲ್ಲಾರಂಡ ಎದುರು ಜಯಿಸಿದರು. ಕಬ್ಬಚ್ಚಿರ 2-1 ಅಂತರದಿಂದ ಮೇಚಿಯಂಡ ತಂಡವನ್ನು, ಅಮ್ಮಂಡ ತಂಡವು 2-1 ಅಂತರದಿಂದ ಕೂಪದಿರ ತಂಡವನ್ನು, ಚೋಳಂಡ ತಂಡವು 1–0 ಅಂತರದಿಂದ ಕೋಚಮಂಡ ತಂಡವನ್ನು, ಬೊಳಕಾರಂಡ ತಂಡ 2-1ರಿಂದ ಮಚ್ಚಂಡ ತಂಡವನ್ನು, ಬಳ್ಳಂಡ 1-0 ಯಿಂದ ಪೊರ್ಕೊವಂಡ ತಂಡವನ್ನು ಸೋಲಿಸಿತು.

ಆತಿಥೇಯ ಅಪ್ಪಚೆಟ್ಟೋಳಂಡ ತಂಡ, ಪುಲ್ಲೇರ, ಚೋಲಂಡ, ಕಲ್ಯಾಟಂಡ ಮತ್ತು ಕೋಲತಂಡ ತಂಡಗಳು ವಾಕ್ ಓವರ್ ಪಡೆದವು. ಮಾದೆಯಂಡ ಮತ್ತು ಕೋಣಿಯಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಕೋಣಿಯಂಡ ತಂಡವು ಟೈ ಬ್ರೇಕರ್‌ನಲ್ಲಿ ಗೆದ್ದಿತು.

ಚೊಟ್ಟಿಯಂಡ 2-0 ಅಂತರದಿಂದ ಅಲ್ಲಪ್ಪಿರ ತಂಡವನ್ನು, ಕರವಂಡ ತಂಡವು ಮುಕ್ಕಾಟಿರ (ಬೇತ್ರಿ) ತಂಡದ ವಿರುದ್ಧ 3-1ರಿಂದ, ಮಾಚಿಮಾಡ ತಂಡವು ಕುಂದಿರ ತಂಡದ ವಿರುದ್ಧ 3-0 ಅಂತರದಿಂದ ಗೆಲುವು ಸಾಧಿಸಿತು.

ಕೇಚೆಟ್ಟಿರ ತಂಡ ಪಾಸುರ ತಂಡದ ವಿರುದ್ಧ 3-0 ಅಂತರದಿಂದ, ಮಚ್ಚಾರಂಡ 3-0 ಅಂತರದಿಂದ ಕಾಟುಮಣಿಯಂಡ ತಂಡವನ್ನು, ಕೊಂಡಿರ ತಂಡ 2–1ರ ಅಂತರದಿಂದ ಗಂಡಂಗಡ ತಂಡವನ್ನು ಮಣಿಸಿತು.