ಸಿಂಧು, ಶ್ರೀಕಾಂತ್‌ಗೆ ಸೋಲು

ಶನಿವಾರ ನಡೆದ ಪಂದ್ಯದಲ್ಲಿ ಸಿಂಧು, ಸ್ಥಳೀಯ ಆಟಗಾರ್ತಿ ಹಾಗೂ ಎರಡನೇ ಶ್ರೇಯಾಂಕದ ಆ್ಯನ್ ಸೆ ಯಂಗ್‌ ವಿರುದ್ಧ ಸೋರು. 20 ವರ್ಷದ ಆ್ಯನ್ ಸೆ ಯಂಗ್ 21-14, 21-17ರಲ್ಲಿ ಜಯ ಗಳಿಸಿದರು. ಭಾನುವಾರ ನಡೆಯಲಿರುವ ಫೈನಲ್‌ನಲ್ಲಿ ಅವರು ಥಾಯ್ಲೆಂಡ್‌ನ ಶ್ರೇಯಾಂಕ ರಹಿತ ಆಟಗಾರ್ತಿ ಪೊರ್ನಪವಿ ಚೊಚುವಾಂಗ್‌ ಅವರನ್ನು ಎದುರಿಸುವರು.

ಕೊರಿಯಾದ ಕಿಮ್ ಗಾ ಯೂನ್ ಎದುರು 21–17, 21–14ರಲ್ಲಿ ಗೆದ್ದ ಪೊರ್ನಪವಿ ಫೈನಲ್‌ ಪ್ರವೇಶಿಸಿದರು. ಕೊರಿಯಾ ಓಪನ್‌ನಲ್ಲಿ ಸ್ಥಳೀಯ ಆಟಗಾರ್ತಿಯೊಬ್ಬರು ಕೊನೆಯದಾಗಿ 2015ರಲ್ಲಿ ಪ್ರಶಸ್ತಿ ಗೆದ್ದುಕೊಂಡಿದ್ದರು. ಕೋವಿಡ್‌–19ರಿಂದಾಗಿ ಹಿಂದಿನ ಎರಡು ಆವೃತ್ತಿಗಳನ್ನು ರದ್ದು ಮಾಡಲಾಗಿತ್ತು.

‍ಪುರುಷರ ವಿಭಾಗದಲ್ಲಿ ಕಿದಂಬಿ ಶ್ರೀಕಾಂತ್ ಇಂಡೊನೇಷ್ಯಾದ ಜೊನಾಥನ್ ಕ್ರಿಸ್ಟಿ ವಿರುದ್ಧ ಸೋತರು. ಮೂರನೇ ಶ್ರೇಯಾಂಕದ ಜೊನಾಥನ್ ಐದನೇ ಶ್ರೇಯಾಂಕಿತ ಶ್ರೀಕಾಂತ್ ಅವರನ್ನು 21-19, 21-16ರಲ್ಲಿ ಮಣಿಸಿದರು. ಚೀನಾದ ವೆಂಗ್‌ ಹಾಂಗ್‌ ಯಾಂಗ್‌ ಅವರನ್ನು ಫೈನಲ್‌ನಲ್ಲಿ ಜೊನಾಥನ್ ಎದುರಿಸುವರು. ವೆಂಗ್‌ ಹಾಂಗ್ ಡೆನ್ಮಾರ್ಕ್‌ನ ವಿಕ್ಟರ್ ಸ್ವೆಂಡ್ಸೆನ್ ಎದುರು 22-20, 21-13ರಲ್ಲಿ ಜಯ ಸಾಧಿಸಿದರು.