ಬ್ಯಾಡ್ಮಿಂಟನ್‌: ಧೃತಿ, ಶಮಂತ್‌ಗೆ ಪ್ರಶಸ್ತಿ

7

ಬ್ಯಾಡ್ಮಿಂಟನ್‌: ಧೃತಿ, ಶಮಂತ್‌ಗೆ ಪ್ರಶಸ್ತಿ

Published:
Updated:
Deccan Herald

ಬೆಂಗಳೂರು: ಶಮಂತ್‌ ರಾವ್‌ ಕಿದಿಯೂರು ಮತ್ತು ಧೃತಿ ಯತೀಶ್‌ ಅವರು 19 ವರ್ಷದೊಳಗಿನವರ ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದಿದ್ದಾರೆ.

ಶುಕ್ರವಾರ ನಡೆದ ಬಾಲಕರ ಸಿಂಗಲ್ಸ್‌ ವಿಭಾಗದ ಫೈನಲ್‌ನಲ್ಲಿ ಅಗ್ರ ಶ್ರೇಯಾಂಕದ ಆಟಗಾರ ಶಮಂತ್‌ 21–17, 7–21, 21–18ರಲ್ಲಿ ನಾಲ್ಕನೇ ಶ್ರೇಯಾಂಕದ ತೇಜಸ್‌ ಸಂಜಯ್‌ ಕಲ್ಲೋಳಕರ್‌ ಅವರನ್ನು ಮಣಿಸಿದರು.

ಬಾಲಕಿಯರ ಸಿಂಗಲ್ಸ್‌ ಫೈನಲ್‌ನಲ್ಲಿ ಧೃತಿ 18–21, 21–15, 14–1ರಲ್ಲಿ ಎರಡನೇ ಶ್ರೇಯಾಂಕದ ತ್ರಿಷಾ ಹೆಗ್ಡೆ ಎದುರು ಗೆದ್ದರು. ಮೂರನೇ ಗೇಮ್‌ನ ವೇಳೆ ಗಾಯಗೊಂಡ ತ್ರಿಷಾ ಪಂದ್ಯದಿಂದ ನಿವೃತ್ತರಾದರು.

ಬಾಲಕರ ಡಬಲ್ಸ್‌ ವಿಭಾಗದ ಫೈನಲ್‌ನಲ್ಲಿ ಎಚ್‌.ವಿ.ನಿತಿನ್‌ ಮತ್ತು ಸಾಯಿ ಪ್ರತೀಕ್‌ ಕೃಷ್ಣ ಪ್ರಸಾದ್‌ 21–15, 21–16ರಲ್ಲಿ ಶಮಂತ್‌ ರಾವ್‌ ಕಿದಿಯೂರು ಮತ್ತು ಭಾರ್ಗವ್‌ ಅವರನ್ನು ಸೋಲಿಸಿ ಪ್ರಶಸ್ತಿ ‍ಪಡೆದರು.

ಬಾಲಕಿಯರ ಡಬಲ್ಸ್‌ ವಿಭಾಗದ ಅಂತಿಮ ಘಟ್ಟದ ಹಣಾಹಣಿಯಲ್ಲಿ ಜನನಿ ಅನಂತಕುಮಾರ್‌ ಮತ್ತು ಶ್ರುತಿ ನಿತಿನ್‌ ಮೊಗೆ 21–18, 15–21, 21–16ರಲ್ಲಿ ರಮ್ಯಾ ವೆಂಕಟೇಶ್‌ ಮತ್ತು ಡಿ.ಶೀತಲ್‌ ವಿರುದ್ಧ ಗೆದ್ದರು.

ಮಿಶ್ರ ಡಬಲ್ಸ್‌ ವಿಭಾಗದ ಪ್ರಶಸ್ತಿ ಸುತ್ತಿನ ಪೈಪೋಟಿಯಲ್ಲಿ ಸಿ.ಎಸ್‌.ಸಾಕೇತ್‌ ಮತ್ತು ಅನನ್ಯ ಪ್ರವೀಣ್‌ 16–21, 21–15, 21–19ರಲ್ಲಿ ಎಂ.ರೋಹಿತ್‌ ಮತ್ತು ರಮ್ಯಾ ವೆಂಕಟೇಶ್‌ ಅವರನ್ನು ಮಣಿಸಿದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !