ರಾಜ್ಯದ ವಿರಾಜ್‌ ಮಾದಪ್ಪ ಚಾಂಪಿಯನ್‌

7
ಟೇಕ್‌ ಸೊಲ್ಯೂಷನ್ಸ್‌ ಗಾಲ್ಫ್‌ ಟೂರ್ನಿ; ಖಾಲಿನ್‌ ಜೋಶಿಗೆ ಆರನೇ ಸ್ಥಾನ

ರಾಜ್ಯದ ವಿರಾಜ್‌ ಮಾದಪ್ಪ ಚಾಂಪಿಯನ್‌

Published:
Updated:
Deccan Herald

ಬೆಂಗಳೂರು: ಅಮೋಘ ಆಟ ಆಡಿದ ಕೊಡಗಿನ ವಿರಾಜ್‌ ಮಾದಪ್ಪ ಅವರು ಇಲ್ಲಿ ನಡೆದ ಟೇಕ್‌ ಸೊಲ್ಯೂಷನ್ಸ್‌ ಮಾಸ್ಟರ್ಸ್‌ ಗಾಲ್ಫ್‌ ಟೂರ್ನಿಯ ಚಾಂಪಿಯನ್‌ ಆಗಿದ್ದಾರೆ. 

ಭಾನುವಾರ ಮುಕ್ತಾಯಗೊಂಡ ಟೂರ್ನಿಯ ನಾಲ್ಕನೇ ಸುತ್ತಿನಲ್ಲಿ ವಿರಾಜ್‌ 67 ಸ್ಕೋರ್‌ ಗಳಿಸಿದರು. ಟೂರ್ನಿಯಲ್ಲಿ ಅವರು ಸಂಗ್ರಹಿಸಿದ ಒಟ್ಟು ಸ್ಕೋರ್‌ 268. ಇದರೊಂದಿಗೆ 20 ವರ್ಷದ ವಿರಾಜ್‌ ಅವರು ಏಷ್ಯಾ ಗಾಲ್ಫ್‌ ಟೂರ್ನಿಯಲ್ಲಿ ಪ್ರಶಸ್ತಿ ಜಯಿಸಿದ ಭಾರತದ ಮೊದಲ ಕಿರಿಯ ವಯಸ್ಸಿನ ಆಟಗಾರ ಎಂಬ ಹೆಗ್ಗಳಿಕೆ ತಮ್ಮದಾಗಿಸಿಕೊಂಡರು. ಈ ಹಿಂದೆ ಗಂಗ್ಜೀತ್‌ ಭುಲ್ಲಾರ್‌ ಅವರು ಇಂಡೊನೇಷ್ಯಾ ಗಾಲ್ಫ್‌ ಟೂರ್ನಿಯಲ್ಲಿ ಗೆದ್ದು ಈ ಹೆಗ್ಗಳಿಕೆ ಗಳಿಸಿದ್ದರು. 

ಕೊನೆಯ ದಿನದ ಅಂತ್ಯಕ್ಕೆ ಜಿಂಬಾಬ್ವೆಯ ಸ್ಕಾಟ್‌ ವಿನ್ಸೆಂಟ್‌ ಅವರು 68 ಸ್ಕೋರ್‌ ದಾಖಲಿಸಿದರು. ಅರ್ಜೆಂಟೀನಾದ ಮಿಗುಯೆಲ್‌ ಕಾರ್ಬಲ್ಲೊ, ಥಾಯ್ಲೆಂಡ್‌ನ ಸುರದಿತ್‌ ಯೊಂಗ್‌ಚರೆನ್‌ಚೈ ಹಾಗೂ ಡೆಂಥೈ ಬೂನ್ಮಾ ಅವರು ಕ್ರಮವಾಗಿ 71, 66 ಮತ್ತು 70 ಸ್ಕೋರ್‌ ಸಂಗ್ರಹಿಸಿದರು. 

ಈ ಎಲ್ಲ ಆಟಗಾರರು ಒಟ್ಟು 270 ಸ್ಕೋರ್‌ ಗಳಿಸಿ ಎರಡನೇ ಸ್ಥಾನ ಪಡೆದರು. ಆರು ಬಾರಿ ಏಷ್ಯನ್‌ ಟೂರ್ ಚಾಂಪಿಯನ್‌ ಆಗಿದ್ದ ಭಾರತದ ಎಸ್‌. ಎಸ್‌. ಪಿ. ಚೌರಾಸಿಯಾ ಅವರು 70 ಸ್ಕೋರ್‌ ಗಳಿಸಿ ಜಂಟಿ ಆರನೇ ಸ್ಥಾನ ಪಡೆದರು. ಇವರೊಂದಿಗೆ ಹನಿ ಬೈಸೊಯಾ, ಸ್ಥಳೀಯ ಆಟಗಾರ ಖಾಲಿನ್‌ ಜೋಶಿ ಅವರು ಆರನೇ ಸ್ಥಾನ ಹಂಚಿಕೊಂಡಿದ್ದಾರೆ. 

‘ಮೊದಲ ಬಾರಿಗೆ ಏಷ್ಯನ್‌ ಟೂರ್‌ ಚಾಂಪಿಯನ್‌ ಆಗಿದ್ದು ಸಂತಸ ತಂದಿದೆ. ನನ್ನ ಕೋಚ್‌ ತರುಣ್‌ ಸರದೇಸಾಯಿ ಅವರಿಗೆ ಆಭಾರಿಯಾಗಿದ್ದೇನೆ’ ಎಂದು ವಿರಾಜ್‌ ಮಾದಪ್ಪ ಸಂತಸ ವ್ಯಕ್ತಪಡಿಸಿದರು. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !