ಟೇಬಲ್‌ ಟೆನಿಸ್‌: ಭಾರತಕ್ಕೆ ಮೂರು ಕಂಚು

7

ಟೇಬಲ್‌ ಟೆನಿಸ್‌: ಭಾರತಕ್ಕೆ ಮೂರು ಕಂಚು

Published:
Updated:

ನವದೆಹಲಿ: ಭಾರತದ ಟೇಬಲ್‌ ಟೆನಿಸ್‌ ಆಟಗಾರರು ಮ್ಯಾನ್ಮಾರ್‌ನಲ್ಲಿ ನಡೆಯುತ್ತಿರುವ ಏಷ್ಯಾ ಜೂನಿಯರ್‌ ಮತ್ತು ಕೆಡೆಟ್‌ ಚಾಂಪಿಯನ್‌ಷಿಪ್‌ನಲ್ಲಿ ಮೂರು ಕಂಚಿನ ಪದಕಗಳನ್ನು ಗೆದ್ದಿದ್ದಾರೆ. 

ಶನಿವಾರ ಮ್ಯಾನ್ಮಾರ್‌ನ ನೆ ಪಿ ತಾನಲ್ಲಿ ನಡೆದ ಬಾಲಕದ ಡಬಲ್ಸ್‌ ವಿಭಾಗದ ಸೆಮಿಫೈನಲ್‌ ಪಂದ್ಯದಲ್ಲಿ ಮಾನವ್‌ ಠಕ್ಕರ್‌ ಹಾಗೂ ಮಾನುಶ್‌ ಶಾ ಜೋಡಿಯು 0–3ರಿಂದ ಚೀನಾದ ಕ್ಸು ಯಿಂಗ್‌ಬಿನ್‌ ಹಾಗೂ ಯು ಹೆಯಿ ಜೋಡಿಯ ವಿರುದ್ಧ ಮಣಿಯಿತು. ಇದರೊಂದಿಗೆ ಕಂಚನ ಪದಕಕ್ಕೆ ತೃಪ್ತಿಪಟ್ಟುಕೊಂಡಿತು. 

ಭಾರತದ ಈ ಜೋಡಿಯು ಪ್ರೀ ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿ 3–2ರಿಂದ ಸಿಂಗಪುರದ ಚುವಾ ಸಾವೊ ಹನ್‌ ಜೋಶ್‌ ಹಾಗೂ ಯು ಜೊಂಗ್‌ ಯುನ್‌ ಗೆರಾಲ್ಡ್‌ ಜೋಡಿಯ ಎದುರು ಜಯಿಸಿತ್ತು. ಕ್ವಾರ್ಟರ್‌ಪೈನಲ್‌ ಪಂದ್ಯದಲ್ಲಿ ಭಾರತದ ಆಟಗಾರರು 3–0ಯಿಂದ ಇರಾನ್‌ನ ಅಮಿನ್‌ ಅಹ್ಮದಿಯಾನ್‌ ಹಾಗೂ ಅಮಿರೆಜಾ ಅಬ್ಬಾಸಿ ಅವರನ್ನು ಸೋಲಿಸಿದ್ದರು. 

ಇದೇ ವಿಭಾಗದ ಇನ್ನೊಂದು ಸೆಮಿಫೈನಲ್‌ ಪಂದ್ಯದಲ್ಲಿ ಜೀತ್‌ ಚಂದ್ರಾ ಹಾಗೂ ಸ್ನೇಹಿತ್‌ ಸುರಜ್ಜುಲಾ ಜೋಡಿಯು 0–3ರಿಂದ ಕೊರಿಯಾದ ಚೊಯಿ ಇನ್‌ಹ್ಯೊಕ್‌ ಹಾಗೂ ಕ್ವಾಕ್‌ ಯುಬಿನ್‌ ಜೋಡಿಯ ಎದುರು ಮಣಿಯಿತು. 

ಮಿಶ್ರ ಡಬಲ್ಸ್‌ ವಿಭಾಗದ ನಾಲ್ಕರ ಘಟ್ಟದ ಪಂದ್ಯದಲ್ಲಿ ಮಾನವ್‌ ಹಾಗೂ ಅರ್ಚನಾ ಕಾಮತ್‌ ಜೋಡಿಯು 2–3ರಿಂದ ಚೀನಾದ ಕ್ಸು ಯಿಂಗ್‌ಬಿನ್‌ ಹಾಗೂ ಶಿ ಕ್ಸುನ್ಯಾವೊ ಜೋಡಿಯ ಎದುರು ಪರಾಭವಗೊಂಡು ಕಂಚಿನ ಪದಕ ಜಯಿಸಿತು. 

ಪ್ರೀ ಕ್ವಾರ್ಟರ್ ಹಂತದ ಪಂದ್ಯದಲ್ಲಿ ಭಾರತದ ಈ ಜೋಡಿಯು 3–1ರಿಂದ ಕಜಕಸ್ತಾನದ ಅಕಶೇವಾ ಜೌರೇಶ್‌ ಹಾಗೂ ಕೆಂಜಿಗುಲಾವ್‌ ಎಡೊಸ್‌ ಜೋಡಿಯನ್ನು ಮಣಿಸಿತ್ತು. ಎಂಟದ ಘಟ್ಟದ ಪಂದ್ಯದಲ್ಲಿ ಅವರು ತೈವಾನ್‌ನ ಪೆಂಗ್‌ ಚಿ ಹಾಗೂ ಚಿನ್‌ ಟುಂಗ್‌ ಚುವಾನ್‌ ಜೋಡಿಯನ್ನು ಸೋಲಿಸಿದ್ದರು. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !