ವಿಶ್ವ ಜೂನಿಯರ್ ಕ್ರಮಾಂಕದಲ್ಲಿ 10ನೇ ಸ್ಥಾನದಲ್ಲಿರುವ ಲುವಾಂಗ್ 21–9, 21–11 ರಿಂದ 520ನೇ ರ್ಯಾಂಕ್ನ ಅಲೆಕ್ಸಾಂಡರ್ ಝೆಂಗ್ ಮೇಲೆ 26 ನಿಮಿಷಗಳಲ್ಲೇ ಸುಲಭ ಗೆಲುವನ್ನು ದಾಖಲಿಸಿದರು. ಗುಜರಾತ್ನ ಆಟಗಾರ್ತಿ ತಸನ್ನಿಮ್ ಮಿರ್ ಬಾಲಕಿಯರ 21–19, 25–23ರಲ್ಲಿ ನತಾಲಿ ಚಿ ವಿರುದ್ಧ ಜಯಗಳಿಸಿ ಭಾರತದ ಮುನ್ನಡೆ 3–0ಗೆ ಹೆಚ್ಚಿಸಿದರು. ನತಾಲಿ ವಿಶ್ವ ಕ್ರಮಾಂಕದಲ್ಲಿ 75ನೇ ಸ್ಥಾನದಲ್ಲಿದ್ದಾರೆ. ಆದರೆ ಬಾಲಕರ ಡಬಲ್ಸ್ನಲ್ಲಿ ಮಂಜಿತ್ ಸಿಂಗ್ ಮತ್ತು ಇಮನ್ ಸೊನೊವಾಲ್ 23–25, 19–21 ರಲ್ಲಿ ವಿಲಿಯಮ್ ಯು ಮತ್ತು ಜೋಶುವಾ ಯುವಾನ್ ಅವರಿಗೆ ಮಣಿದರು.ಕೊನೆಯ ಪಂದ್ಯದಲ್ಲಿ ಅದಿತಿ ಭಟ್– ಕ್ರಾಸ್ಟೊ ಜೋಡಿ ಉತ್ತಮ ಹೋರಾಟದ ನಂತರ 21–16, 15–21, 21–7 ರಲ್ಲಿ ಅಮೆರಿಕದ ಕೆಟೆಲಿನ್ ಗೊ ಮತ್ತು ಎಸ್ತರ್ ಶಿ ಅವರನ್ನು ಸೋಲಿಸಿತು.