ಬ್ಯಾಸ್ಕೆಟ್‌ಬಾಲ್‌ ಚಾಂಪಿಯನ್‌ಷಿಪ್‌: ರಾಮಯ್ಯ ಕಾಲೇಜಿಗೆ ಪ್ರಶಸ್ತಿ

7
ವಿ.ಟಿ.ಯು. ಕೇಂದ್ರ ವಲಯ ಅಂತರ ಕಾಲೇಜು ಚಾಂಪಿಯನ್‌ಷಿಪ್‌

ಬ್ಯಾಸ್ಕೆಟ್‌ಬಾಲ್‌ ಚಾಂಪಿಯನ್‌ಷಿಪ್‌: ರಾಮಯ್ಯ ಕಾಲೇಜಿಗೆ ಪ್ರಶಸ್ತಿ

Published:
Updated:
Deccan Herald

ಬೆಂಗಳೂರು: ಎಂ.ಎಸ್‌.ರಾಮಯ್ಯ ಇನ್‌ಸ್ಟಿಟ್ಯೂಟ್‌ ಆಫ್‌ ಟೆಕ್ನಾಲಜಿ (ಆರ್‌ಐಟಿ) ಪುರುಷರ ತಂಡದವರು ವಿ.ಟಿ.ಯು ಕೇಂದ್ರ ವಲಯ ಅಂತರ ಕಾಲೇಜು ಬ್ಯಾಸ್ಕೆಟ್‌ಬಾಲ್‌ ಚಾಂಪಿಯನ್‌ಷಿಪ್‌ನಲ್ಲಿ ಪ್ರಶಸ್ತಿ ಗೆದ್ದಿದ್ದಾರೆ.

ರಾಮಯ್ಯ ಕಾಲೇಜು ಮೈದಾನದಲ್ಲಿ ಶನಿವಾರ ನಡೆದ ಫೈನಲ್‌ನಲ್ಲಿ ಆರ್‌.ಐ.ಟಿ 46–36 ಪಾಯಿಂಟ್ಸ್‌ನಿಂದ ಎನ್.ಎಚ್‌.ಸಿ.ಇ ತಂಡವನ್ನು ಪರಾಭವಗೊಳಿಸಿತು.

ರಾಮಯ್ಯ ತಂಡದ ದೇವ್‌ 12 ಪಾಯಿಂಟ್ಸ್‌ ಗಳಿಸಿ ಗಮನ ಸೆಳೆದರು. ಅನಿರುದ್ಧ್‌ ಮತ್ತು ಗೌತಮ್‌ ಅವರು ಕ್ರಮವಾಗಿ 10 ಹಾಗೂ 8 ಪಾಯಿಂಟ್ಸ್‌ ಕಲೆಹಾಕಿ ಗೆಲುವಿನ ಅಂತರ ಹೆಚ್ಚಿಸಿದರು.

ಎನ್‌.ಎಚ್‌.ಸಿ.ಇ ತಂಡದ ಶುಭಂ (15) ಮತ್ತು ಮುತ್ತಣ್ಣ (7) ಸೋಲಿನ ನಡುವೆಯೂ ಗಮನ ಸೆಳೆದರು.

ಇದಕ್ಕೂ ಮುನ್ನ ನಡೆದಿದ್ದ ಸೆಮಿಫೈನಲ್‌ನಲ್ಲಿ ಎನ್‌.ಎಚ್‌.ಸಿ.ಇ ತಂಡ 55–50 ಪಾಯಿಂಟ್ಸ್‌ನಿಂದ ಬಿ.ಎಂ.ಎಸ್‌.ಸಿ.ಇ ತಂಡವನ್ನು ಸೋಲಿಸಿತ್ತು.

ವಿಜಯಿ ತಂಡದ ಉತ್ಕರ್ಷ್‌ (15), ರಿತ್ವಿಕ್‌ (16) ಮತ್ತು ಶುಭಂ (6) ಉತ್ತಮ ಆಟ ಆಡಿದ್ದರು.

ಬಿ.ಎಂ.ಎಸ್‌ ತಂಡದ ಗೌರವ್‌ (15), ಪ್ರಜ್ಞೇಶ್‌ (10) ಮತ್ತು ಶ್ರೀರಾಮ್‌ (6) ಅವರೂ ಚೆಂಡನ್ನು ನಿಖರವಾಗಿ ‘ಬ್ಯಾಸ್ಕೆಟ್‌’ ಮಾಡಿ ಗಮನ ಸೆಳೆದಿದ್ದರು.

ಇನ್ನೊಂದು ಪಂದ್ಯದಲ್ಲಿ ರಾಮಯ್ಯ ತಂಡ 52–25 ಪಾಯಿಂಟ್ಸ್‌ನಿಂದ ಬಿ.ಎನ್‌.ಎಂ.ಐ.ಟಿ ತಂಡವನ್ನು ಸೋಲಿಸಿತ್ತು.

ರಾಮಯ್ಯ ‍ತಂಡದ ಪರ ಪ್ರತ್ಯಾನ್ಸು ಮತ್ತು ಗೌತಮ್‌ ಕ್ರಮವಾಗಿ 16 ಮತ್ತು 13 ಪಾಯಿಂಟ್ಸ್‌ ಸಂಗ್ರಹಿಸಿದ್ದರು. ಬಿ.ಎನ್‌.ಎಂ.ಐ.ಟಿ ತಂಡದ ರಕ್ಷಿತ್ 11 ಪಾಯಿಂಟ್ಸ್‌ ಗಳಿಸಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !