ನವದೆಹಲಿ (ಪಿಟಿಐ): ಕೊಲೆ ಆರೋಪದ ಮೇಲೆ ಬಂಧನದಲ್ಲಿರುವ ಒಲಿಂಪಿಯನ್ ಕುಸ್ತಿಪಟು ಸುಶೀಲ್ ಕುಮಾರ್ ಅವರಿಗೆ ಇಲ್ಲಿಯ ನ್ಯಾಯಾಲಯ ನಾಲ್ಕು ದಿನಗಳ ಮಧ್ಯಂತರ ಜಾಮೀನು ನೀಡಿದೆ.
ಸುಶೀಲ್ ಅವರ ತಂದೆ ಭಾನುವಾರ ನಿಧನರಾಗಿದ್ದು ಅಂತಿಮ ವಿಧಿವಿಧಾನಗಳಲ್ಲಿ ಭಾಗವಹಿಸಲು ಅವರಿಗೆ ಮಾನವೀಯತೆ ಹಿನ್ನೆಲೆಯಲ್ಲಿ ಮಾರ್ಚ್ 6ರಿಂದ 9ರವರೆಗೆ ಜಾಮೀನು ನೀಡಲಾಗಿದೆ.
ಸಾಕ್ಷಿಗಳ ಬೆದರಿಕೆ ಸೇರಿದಂತೆ ಸುಶೀಲ್ ಕುಮಾರ್ ಸುರಕ್ಷತೆ, ಭದ್ರತೆಯನ್ನು ಪರಿಗಣಿಸಿ, ಕನಿಷ್ಠ ಇಬ್ಬರು ಭದ್ರತಾ ಸಿಬ್ಬಂದಿ ದಿನದ 24 ಗಂಟೆಯೂ ಅವರೊಂದಿಗೆ ಇರಬೇಕು ಎಂದು ಹೆಚ್ಚುವರಿ ಸೆಷನ್ಸ್ ನ್ಯಾಯಾಧೀಶರು ಸೂಚಿಸಿದ್ದಾರೆ.
ರಾಷ್ಟ್ರೀಯ ಜೂನಿಯರ್ ಕುಸ್ತಿ ಚಾಂಪಿಯನ್‌ ಸಾಗರ್ ಧನಕರ್ ಹತ್ಯೆ ಪ್ರಕರಣದಲ್ಲಿ ಸುಶೀಲ್, 2021ರ ಜೂನ್ 2ರಿಂದ ಸುಶೀಲ್ ಬಂಧನದಲ್ಲಿದ್ದಾರೆ.
