ಮುಂಬೈ: ಪ್ರೊ ಕಬಡ್ಡಿ ಲೀಗ್ (ಪಿಕೆಎಲ್) ಏಳನೇ ಆವೃತ್ತಿಯ ಆಟಗಾರರ ಹರಾಜು ಪ್ರಕ್ರಿಯೆ ಏಪ್ರಿಲ್ 8 ಮತ್ತು 9ರಂದು ಇಲ್ಲಿ ನಡೆಯಲಿದೆ.
ಲೀಗ್ನ ಉದ್ಘಾಟನಾ ಪಂದ್ಯ ಜುಲೈ 19ರಂದು ನಿಗದಿಯಾಗಿದೆ. ಜೈಪುರ ಪಿಂಕ್ ಪ್ಯಾಂಥರ್ಸ್ ತಂಡದ ತವರಿನ ಪಂದ್ಯಗಳು ಜೈಪುರದಲ್ಲೇ ಜರುಗಲಿವೆ. ಈ ತಂಡ ಆರನೇ ಆವೃತ್ತಿಯ ಪಂದ್ಯಗಳನ್ನು ಪಂಚಕುಲದಲ್ಲಿ ಆಡಿತ್ತು.
‘ಏಳನೇ ಆವೃತ್ತಿಯಲ್ಲಿ 12 ತಂಡಗಳು ಪ್ರಶಸ್ತಿಗಾಗಿ ಸೆಣಸಲಿವೆ. ಮುಂಬೈಯಲ್ಲಿ ಹರಾಜು ನಡೆಯಲಿದೆ. 2020ರ ಜುಲೈಯಲ್ಲಿ ಎಂಟನೇ ಆವೃತ್ತಿಯ ಪಂದ್ಯಗಳನ್ನು ನಡೆಸಲು ತೀರ್ಮಾನಿಸಿದ್ದೇವೆ’ ಎಂದು ಲೀಗ್ ಕಮಿಷನರ್ ಅನುಪಮ್ ಗೋಸ್ವಾಮಿ ತಿಳಿಸಿದ್ದಾರೆ.