ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಪ್ರೊ ಕಬಡ್ಡಿ: ಫಾರ್ಚೂನ್‌ಜೈಂಟ್ಸ್‌ಗೆ ಗೆಲುವು

Last Updated 7 ಡಿಸೆಂಬರ್ 2018, 19:25 IST
ಅಕ್ಷರ ಗಾತ್ರ

ವಿಶಾಖಪಟ್ಟಣ: ಕೆ. ಪ್ರಪಂಚನ್ ಅವರ ಅಮೋಘ ಅಟದ ಬಲದಿಂದ ಗುಜರಾತ್ ಫಾರ್ಚೂನ್‌ ಜೈಂಟ್ಸ್‌ ತಂಡವು ಇಲ್ಲಿ ನಡೆಯುತ್ತಿರುವ ಪ್ರೊ ಕಬಡ್ಡಿ ಟೂರ್ನಿಯ ಪಂದ್ಯದಲ್ಲಿ ಶುಕ್ರವಾರ ಜಯಿಸಿತು.

ಗಚ್ಚಿಬೌಲಿ ಒಳಾಂ ಗಣ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಫಾರ್ಚೂನ್‌ ಜೈಂಟ್ಸ್‌ ತಂಡವು 29 –27ರಿಂದ ಆತಿಥೇಯ ತೆಲುಗು ಟೈಟನ್ಸ್‌ ವಿರುದ್ಧ ಗೆದ್ದಿತು.

ಆರಂಭದಿಂದಲೇ ಆಕ್ರಮಣಕಾರಿ ಅಟವಾಡಿದ ಪ್ರಪಂಚನ್ ಒಟ್ಟು ಹತ್ತು ಪಾಯಿಂಟ್‌ ಗಳಿಸಿದರು. ಅವರಿಗೆ ಉತ್ತಮ ಜೊತೆ ನೀಡಿದ ಸಚಿನ್ ಕೂಡ ಒಂಬತ್ತು ಪಾಯಿಂಟ್‌ಗಳನ್ನು ಗಳಿಸಿದರು. ಟ್ಯಾಕಲ್‌ನಲ್ಲಿ ಮಿಂಚಿದ ಪರವೇಶ್ ಬನ್ಸ್‌ವಾಲ್ ಮೂರು ಅಂಕಗಳನ್ನು ಗಳಿಸಿದರು.

ಛಲದ ಹೋರಾಟ ಮಾಡಿದ ತೆಲುಗು ಟೈಟನ್ಸ್‌ ತಂಡದ ರಾಹುಲ್ ಚೌಧರಿ ರೇಡಿಂಗ್‌ನಲ್ಲಿ ಆರು ಮತ್ತು ಟ್ಯಾಕಲ್‌ನಲ್ಲಿ ಒಂದು ಪಾಯಿಂಟ್‌ ಗಳಿಸಿದರು.

ಒಂದು ಬೋನಸ್‌ ಪಾಯಿಂಟ್ ಕೂಡ ಪಡೆದು ಆಲ್‌ರೌಂಡ್ ಆಟ ವಾಡಿದರು. ನೀಲೇಶ್ ಸಾಳುಂಕೆ ಒಟ್ಟು ನಾಲ್ಕು ಪಾಯಿಂಟ್‌ ಮತ್ತು ರಕ್ಷಿತ್ ಮೂರು ಪಾಯಿಂಟ್ ಗಳಿಸಿದರು.

ಪ್ರದೀಪ್ ನರ್ವಾಲ್‌ ಭರ್ಜರಿ ಆಟ: ಮತ್ತೊಂದು ಪಂದ್ಯದಲ್ಲಿ ಪುಣೇರಿ ಪಲ್ಟನ್ ವಿರುದ್ಧ ಪಟ್ನಾ ಪೈರೇಟ್ಸ್‌ 53–36ರಿಂದ ಗೆದ್ದಿತು. ಪ್ರದೀಪ್ ನರ್ವಾಲ್‌ 27 ಪಾಯಿಂಟ್ ಕಲೆ ಹಾಕಿ ಪ್ರೇಕ್ಷಕರನ್ನು ರೋಮಾಂಚನಗೊಳಿಸಿದರು. ಮಂಜೀತ್ ಆರು ಪಾಯಿಂಟ್ ಗಳಿಸಿದರು. ಪುಣೇರಿಗೆ ಜಿ.ಬಿ.ಮೋರೆ 13 ಪಾಯಿಂಟ್‌ ಗಳಿಸಿಕೊಟ್ಟರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT