ನೇತಾಜಿ ಒಳಾಂಗಣ ಕ್ರೀಡಾಂಗಣದಲ್ಲಿ ಕಿಕ್ಕಿರಿದು ಸೇರಿದ್ದ ಅಭಿಮಾನಿಗಳ ಎದುರು ನಡೆದ ಹಣಾಹಣಿಯಲ್ಲಿ ದಬಂಗ್ ತಂಡವು 37–31ರಿಂದ ಬೆಂಗಾಲ್ ವಾರಿಯರ್ಸ್‌ ವಿರುದ್ಧ ಗೆದ್ದಿತು. ತಂಡದ ಮೆರಾಜ್ ಅವರು ರೇಡಿಂಗ್‌ನಲ್ಲಿ ಹತ್ತು ಮತ್ತು ಮೂರು ಬೋನಸ್ ಅಂಕಗಳನ್ನು ಗಳಿಸಿದರು. ನವೀನ್ ಕುಮಾರ್ ರೇಡಿಂಗ್ ಮತ್ತು ಬೋನಸ್ ಸೇರಿ ಆರು ಪಾಯಿಂಟ್‌ಗಳನ್ನು ಪಡೆದರು. ಅವರಿಗೆ ಉತ್ತಮ ಜೊತೆ ನೀಡಿದ ಚಂದನ್ ರಂಜೀತ್ ನಾಲ್ಕು ಪಾಯಿಂಟ್ ಗಳಿಸಿದರು. ಟ್ಯಾಕಲ್‌ನಲ್ಲಿ ರವೀಂದ್ರ ಪಹಾಲ್ ಮತ್ತು ಜೋಗಿಂದರ್ ಸಿಂಗ್ ನರ್ವಾಲ್ ಅವರು ತಲಾ ಎರಡು ಅಂಕಗಳನ್ನು ಗಳಿಸಿದರು.
