ಬುಲ್ಸ್ ಆರಂಭದಿಂದಲೇ ಪಾರಮ್ಯ ಮೆರೆಯಿತು. ಪ್ರಥಮಾರ್ಧದಲ್ಲಿ 31–14 ಅಂಕಗಳ ದೊಡ್ಡ ಮುನ್ನಡೆ ಗಳಿಸಿತು. ದಬಂಗ್ ತಂಡಕ್ಕೆ ಯಾವುದೇ ಹಂತದಲ್ಲಿಯೂ ಮೇಲುಗೈ ಸಾಧಿಸಲು ಬಿಡಲಿಲ್ಲ. ಕೊನೆಯವರೆಗೂ ಬಿಗಿಹಿಡಿತ ಸಾಧಿಸಿದ ತಂಡವು ಗೆಲುವನ್ನು ಒಲಿಸಿಕೊಂಡಿತು. ಡೆಲ್ಲಿ ನಾಯಕ ನವೀನ್ ಕುಮಾರ್ ಮತ್ತು ಆಲ್ರೌಂಡರ್ ವಿಜಯ್ ಮಲಿಕ್ ಅವರು ಕ್ರಮವಾಗಿ ಎಂಟು ಹಾಗೂ 6 ಅಂಕ ಗಳಿಸಿದರು. ಆದರೆ, ತಂಡದ ರಕ್ಷಣಾತಂತ್ರಗಳು ಫಲ ನೀಡಲಿಲ್ಲ. ಬೆಂಗಳೂರು ತಂಡವು ಸೆಮಿಯಲ್ಲಿ ಜೈಪುರ ಪಿಂಕ್ ಪ್ಯಾಂಥರ್ಸ್ ತಂಡವನ್ನು ಎದುರಿಸಲಿದೆ.
