ಗುಜರಾತ್ ಪರ ದಾಳಿಗಿಳಿದ ನಾಯಕ ರೋಹಿತ್ ಗುಲಿಯಾ ಮೊದಲ ರೇಡ್ನಲ್ಲೇ ಪಾಯಿಂಟ್ ಗಳಿಸಿದರು. ನಂತರ ಮುಂಬಾ ತಂಡದ ಆಟಗಾರರು ಮಿಂಚಿದರು. ನಾಲ್ಕನೇ ನಿಮಿಷದ ವೇಳೆಗೆ ಉಭಯ ತಂಡಗಳು 2–2ರಿಂದ ಸಮಬಲ ಹೊಂದಿದ್ದವು. ನಂತರ ಮುಂಬಾ ಮೇಲುಗೈ ಸಾಧಿಸಿತು. ಮೊದಲಾರ್ಧದ ಆಟ ಮುಗಿಯಲು ಎಂಟು ನಿಮಿಷಗಳು ಬಾಕಿ ಇದ್ದಾಗ ಎದುರಾಳಿ ತಂಡದ ಆವರಣ ಖಾಲಿ ಮಾಡಿದ ಮುಂಬಾ 11–6 ಮುನ್ನಡೆ ಪಡೆಯಿತು. ನಂತರ ಗುಜರಾತ್ ತಂಡ ತಿರುಗೇಟು ನೀಡಿತು. 17ನೇ ನಿಮಿಷದಲ್ಲಿ ಸೂಪರ್ ರೇಡ್ ಮಾಡಿದ ರೋಹಿತ್ ಗುಲಿಯಾ ತಂಡಕ್ಕೆ 16–14 ಮುನ್ನಡೆ ತಂದುಕೊಟ್ಟರು.
