ಶಿಕ್ಷಣ ಮತ್ತು ಪ್ರತಿಭೆಯನ್ನು ಆಧರಿಸಿ ವಲಸಿಗರನ್ನು ಮೂರು ವರ್ಗಗಳಾಗಿ ವಿಂಗಡಿಸಲಾಗಿದೆ. ಅತ್ಯುನ್ನತ ಶಿಕ್ಷಣ ಮತ್ತು ಪರಿಣತರದ್ದು ಮೊದಲನೇ ವರ್ಗ (ಎಕ್ಸಟ್ರಾಆರ್ಡಿನರಿ ಎಬಿಲಿಟಿ:ಇಬಿ–1), ಸ್ನಾತಕೋತ್ತರ ಪದವವೀಧರರದ್ದು ಎರಡನೇ ವರ್ಗ (ಅಡ್ವಾನ್ಸ್ಡ್ ಡಿಗ್ರಿ: ಇಬಿ–2) ಮತ್ತು ಸಾಮಾನ್ಯ ಪದವೀಧರರದ್ದು ಮೂರನೇ ವರ್ಗ (ಬ್ಯಾಚುಲರ್ಸ್ ಡಿಗ್ರಿ: ಇಬಿ–3). ಮೂರೂ ವರ್ಗಕ್ಕೂ ಪ್ರತಿ ವರ್ಷ ನಿಗದಿತ ಸಂಖ್ಯೆಯ ಗ್ರೀನ್ ಕಾರ್ಡ್ಗಳನ್ನಷ್ಟೇ ನೀಡಲಾಗುತ್ತದೆ. ಆದರೆ ಅದಕ್ಕಿಂತಲೂ ಹೆಚ್ಚಿನ ಸಂಖ್ಯೆಯ ಅರ್ಜಿಗಳು ಬರುವುದರಿಂದ, ಹಲವು ವರ್ಷಗಳಿಂದ ಅರ್ಜಿಗಳು ಬಾಕಿ ಉಳಿದಿವೆ. ಬಾಕಿ ಉಳಿದಿರುವ ಅರ್ಜಿಗಳ ಸಂಖ್ಯೆಯ ಲೆಕ್ಕಾಚಾರದಲ್ಲಿ ಮೂರೂ ವರ್ಗದ ಅರ್ಜಿದಾರರು ಕ್ರಮವಾಗಿ 6, 151 ಮತ್ತು 17 ವರ್ಷ ಕಾಯಬೇಕಾಗುತ್ತದೆ.